काठमाडौंः लामो समयदेखि नेपाली गायन क्षेत्रमा विशेषगरि चलचित्र तथा आधुनिक गायनमा राज गर्न सफल गायक आनन्द कार्कीको नयाँ गीत गोधूलि साँझैमा बजारमा आएको छ ।
डन कार्कीको शव्द तथा युगेश कार्कीको प्रस्तुति रहेको गीतमा चाँद सिंहको संगीत तथा संगीत संयोजन रहेको छ । ५००० भन्दा बढी गीतमा आफ्नो स्वर दिईसकेका गायक आनन्द कार्कीका सयौँ गीतहरु हिट रहेका छन् ।
तीमध्य कतिपय गीतहरुको भिडियोमा आनन्द कार्की देखा पनि परेका छन् तर लोकलयमा आधारित डान्सिङ गीतमा पुर्ण मोडल अथवा नायकको रुपमा यो उनको पहिलो प्रयास हो ।
पहिलो प्रयासमै गायक कार्कीले आफ्नो अभिनय क्षमताका साथसाथै आफ्नो नृत्य क्षमता पनि देखाएका छन् ।
भिडियोतर्फ अभिनयमा नायिका अनु शाहले साथ दिएकी छिन् भने छायाँकन उत्सव दाहाल, श्रृङ्गार विमला तामाङ, कोरियोगा्रफी राजकुमार दर्जी (एभरेष्ट राज), सहायक निर्देशन उषा मलाहा ‘ सिमरन ‘ र सम्पादन र निर्देशन राज कुमारको रहेको छ ।
प्रवासमा रहेर नेपाली गीत संगीतलाई माया गरि सांगितिक निरन्तरता दिईरहेका गीतकार डन कार्कीकै युट्युब च्यानल Don B Karki बाट भिडियो सार्वजनिक भएको छ ।
भिडियो हेर्नुहोस्ः
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया