असोज २३, २०८३ शुक्रबार
October 9, 2026
युग खबर
२०८० असार १२, मंगलबार
काठमाडौंः एप्पलले आउँदो केही महिनामा नै एक दर्जनभन्दा बढी डिभाइस सार्वजनिक गर्ने तयारी गरिरहेको छ । ब्लुमबर्गमा प्रकाशित एक लेखका अनुसार कम्पनीका १५ नयाँ डिभाइस सार्वजनिक हुने क्रममा छ ।
यस अन्तर्गत म्याक, आईप्याड, आईफोन, एप्पल टिभी देखि लिएर एप्पल वाचसम्म रहेका छन् । लेखका अनुसार २०२३ को अन्त्यमा एप्पलले एप्पल वाच सिरिज ९ को दुई नयाँ मोडेल, एप्पल वाच अल्ट्राको दोस्रो संस्करण र आईफोन १५ सिरिज सार्वजनिक गर्नेछ ।
यस्तै सन् २०२४ को सुरुवातमा कम्पनीले एमथ्री प्रो र एमथ्री म्याक्स चिप सहित नयाँ १४ र १६ इन्चको म्याकबुक प्रो सार्वजनिक गर्नेछ । साथै एमथ्री चिप सहितको १३ इन्चको म्याकबुक पनि सार्वजनिक हुनेछ ।
म्याकबुक एयरका दुई नयाँ २४ इन्चको मोडल पनि सार्वजनिक हुने बताइएको छ । कम्पनीले दुई नयाँ आईप्याड प्रो पनि सार्वजनिक गर्नेछ भने तेस्रो जेनेरेसनको एयरपड्स प्रो पनि बजारमा आउने तयारीमा छ । नयाँ फिचरसहित एप्पल टिभी पनि सार्वजनिक हुनेछ । यद्यपि एप्पलको भिजन प्रो हेडसेटको नयाँ मोडेल भने सन् २०२५ भन्दा अगाडि सार्वजनिक हुने बताइएको छ।टेकपाना
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया