मध्यरातदेखि नै टिकट लिनेको भीड

काठमाडौं । व्यवसायीहरुले केही ढिलो गरि दशैमा घर जानेहरुका लागि आजदेखि अग्रिमटिकट बुकिङ खुला गरेपछि बसपार्कसहित अन्य स्थानहरुमा टिकट लिनेको भीड लागेको छ ।

गोँगबुस्थित नयाँ बसपार्कमा राती दुई बजेबाट नैटिकटका लागि यात्रुहरु आइपुगेको बसपार्कमा कार्यरत गोपाल श्रेष्ठले युग खबरलाई बताए ।

यातायात व्यवस्था विभाग रयातायात व्यवसायीबीच भएको सहमति अनुसार आजबाट टिकट खोलिएको हो । दशप्रतिशत भाडा वृद्धि गरेपछि अग्मि टिकट खोल्न व्यवसायीहरु सहमत भएका थिए ।

राष्ट्रिय यातायात व्यवसायी महासंघले आफु मातहतका सबै समिति वा कम्पनीहरुलाई आजबाट टिक बुकिङ खोल्न दिर्नेशन दिएको समितिका सचिव सरोज सिटौलाले जानकारी दिनुभयो ।

महासंघको निर्देशन पछि स्वर्गद्धारी यातायात व्यवसायी संघ प्यूठान, जलजला यातायातरोल्पा, राप्ती अञ्चल व्यवसायी संघ दाङ, बडीमालिका यातायात धनगढी, बटालियन यातायात प्रालि रुकुम, मेची अग्नी यातायात, आयुष यातायात प्रालिलगायतले असोज ५ गतेदेखि नै अग्रिम टिकट बुकिङ खोलेका थिए ।

आज डँडेल्धुरा, बाजुरा, बझाङ, कैलाली,धनगढी, महेन्द्रनगर, दार्चुला, झापा, मोरङ, सुनसरी, ताप्लेजुङलगायत लामो दूरीमा चल्ने बसको टिकट वितरण भएको हो ।

कतिपय समितिहरुले भने आज पनि अग्रिम टिकट खोलेकाछैनन् । पश्चिम नेपाल यातायात व्यवसायी संघले टिकट नखुलाउँदा पश्चिम नेपालका पाल्पा,गुल्मी, अर्घाँखाची, बुटवल, भैरहवालगायतका जिल्लामा जाने यात्रुले टिकट नपाएर रित्तै घर फर्किएका थिए ।