यस्तो छ भक्तपुर प्रहरीको सुरक्षा रणनीति

भक्तपुर,दशैतिहार लक्षित गर्दै भक्तपुर प्रहरीले आफ्नो सुरक्षा रणनीति सार्वजनिक गरेको छ । महानगरीय प्रहरी परिसर भक्तपुरले दशैँ तिहारमा भक्तपुरलाई शान्त र सुरक्षित राख्न सुरक्षा रणनीति सार्वजनिक गरेको हो ।

प्रहरी परिसर भक्तपुरका प्रमुख हिमालयकुमार श्रेष्ठले शुक्रबार आफ्ना रणनीति सार्वजनिक गर्दै नागरिकलाई सुरक्षाको अनुभुति हुनेगरि रणनीतितयार पारिएको जानकारी दिनुभयो ।

परिसरले दशै तिहारमा मोबाइल भ्यान, मोटरसाइकल,स्ट्राइकिङ, रिजर्भ, सिआरभी, सादा पोशाक, नाका चेकप्वाइन्ट, चोरी तथा लुटपाट नियन्त्रण२४ घण्टे एम्बुस, सवारी साधनमा पकेटमारी नियन्त्रण, शक्तिपीठ तथा मन्दिरमा दर्शनार्थीको सुरक्षाका लागि सादा पोशाकमा प्रहरी परिचालन गर्ने तयारी गरेको उहाले जानकारी दिनुभयो ।

यस्तै प्रहरीले सार्वजनिक गरेको सुरक्षा रणनितीमा सार्वजनिक स्थान, सार्वजनिकसवारी साधन, निजी आवास, व्यापारिकस्थल, बैंक तथा वित्तीय संस्था, सुनचाँदी पसल,आर्थिक कारोबार हुने ठाउँ, मठमन्दिर, बस्तीलगायतका स्थानमा उच्च सतर्कता अपनाइ सुरक्षा व्यवस्थालाई कडा पार्ने रहेको छ ।

प्रहरीले घरेलु मदिरा, जुवातास, लङ्गुरबुर्जालगायतसामाजमा विकृति ल्याउने गतिविधिलाई पूर्णरूपमा निषेध गर्ने रणनीति पनि लिएको छ ।

आवश्यकताअनुसार जगाती चेक प्वाइन्टलागायतका नाका, व्यापारिक स्थान तथा अन्यस्थानमा तालीम प्राप्त कुकुरको प्रयोग गरी स्निफिङ व्यवस्था गरिने, विगतमा अपराध गरीफरार, सजाय भुक्तान गरेका, अदालतबाट छुटेका र अन्य आपराधिक गतिविधिमा लागेकाको पहिचान गरी निगरानी बढाउने भएको छ ।]

प्रहरीले ग्रामीण क्षेत्रमा मोबाइल तथा पैदल गस्तीबढाउने, छड्के चेकिङ गर्ने, होटल, लज, रेष्टुराँ, पुलहाउसलाई निगरानी बढाउने, टोल–टोलमा प्रहरी कार्यक्रम सञ्चालन गर्ने तयारी पपनि गरेको छ ।