नेकपामा समाजिक सञ्जालबाटै समेत आरोप–प्रत्यारोप सुरु

काठमाडौं । सत्तारुढ दल नेकपाका वरिष्ठ नेता माधव कुमार नेपालले संसदबाट पार्टी अध्यक्ष तथा प्रधानमन्त्री केपी शर्मा ओलीको आलोचना गरेपछि  नेकपा भित्र फेरि भुईचालो गएको छ ।

वरिष्ठ नेता नेपालको अभिव्यक्तिपछि प्रधानमन्त्री ओलीले अमेरिकाबाट नै त्यसप्रति कटु आलोचना गर्नुभएको थियो । उहाले आफु दुईचार दिन नहुँदा हल्ला मच्चाएको भन्दै देश डुब्दैन र त्यसको जिम्मा आफुले लिने दावी गर्नुभएको थियो । वरिष्ठ नेता नेपालको भनाईप्रति गृहमन्त्रीले पनि आलोचना गर्नुभएको थियो ।

यस्तै वरिष्ठ नेता नेपालको भनाईपछि प्रधानमन्त्रीका राजनीतिक सल्लाहकार विष्णु रिमालले पनि सामाजिक सञ्जालमार्फत नेपालको कडा आलोचना गर्नुभएको छ ।

उहाले भन्नुभएको छ–मानिसको पत त्यस समय सुरु हुुन्छ जब आफ्नेलाई ढाल्न पनि पराईसँग सल्ला लिन सुरु गरिन्छ । रिमालको सो भाईप्रति पनि समाजिक सञ्जालबाट नै जवाफ दिनेहरु पनि धेरै रहेका छन् ।

मुलुकलाई विकास र समृद्धिको यात्रामा अघि बढाउने कसम खाएर जनताको मत लिएका नेताहरु पार्टी एकता भएको ६ महिना नवित्दै आरोप प्रत्यारोपमा उत्रिएपछि दुई सरकारबाट आशा गरेका जनता पनि निराश बन्न थालेका छन् ।

काठमाडौं नयाँ बजारका एकनाथ रिमालले युग खबरसँग भन्नुभयो–यो सरकारसँग पनि आशा नगरे हुनेभयो । अब मुलुकमा कसले विकास गर्ला ?