जेठ ६, २०८१ आइतबार May 19, 2024

आजदेखि दुई पाङ्ग्रे सवारी साधनमा पनि जोर-बिजोर लागू

शेयर गर्नुहोस:
फन्ट परिवर्तन गर्नुहोस:

काठमाडौं । गृह मन्त्रालयको निर्देशनपछि आजदेखि दुई पाङ्ग्रे सवारी साधनमा पनि जोर/बिजोर लागू गरेको छ । गृह मन्त्रालयले सबै निजी सवारी साधनमा जोर/बिजोर प्रणाली लागू गर्न मन्त्रालय मातहतका निकायलाई निर्देशन दिएसँगै आजदेखि फेरि नयाँ नियम लागू भएको ट्राफिक प्रहरीले जनाएको छ ।

गृह मन्त्रालयका सूचना अधिकारी उमाकान्त अधिकारीले मन्त्रिपरिषद्को निर्णयलाई थप प्रष्ट पार्दै मोटरसाइकलमा पनि सोमबारदेखि जोर/बिजोर प्रणाली लागू हुनेगरी मातहतका निकायमा परिपत्र गरिएको जानकारी दिएका छन ।

आजदेखि ४ पाङ्ग्रे र २ पाङ्ग्रे सवारी साधन सबैमा जोर/बिजोर प्रणाली लागू हुने भएको छ । मोटरसाइकल र स्कुटरमा एकजना मात्र बस्ने नियम पनि परिवर्तन नहुने भएको छ । बिहानैदेखि प्रहरीले यो नियमलाई कडाइ गरेको छ ।

काठमाडौँका प्रमुख जिल्ला अधिकारी जनकराज दाहालले सबै प्रकारका निजी सावारीमा जोर/बिजोर प्रणाली लागू भइसकेको र त्यसको कार्यान्वयन ट्राफिक प्रहरीले थालिसकेको जानकारी दिएका छन ।

जोर/बिजोर प्रणाली अनुसार जोर गते जोर नम्बर र बिजोर गते बिजोर नम्बरका सवारी साधन सञ्चालन हुने छन्।

यसैबीच सरकारले काठमाडौं उपत्यका प्रवेशका लागि कडाइ गरेको छ । जिल्ला प्रशासन कार्यालय काठमाडौंले आजदेखि उपत्यका प्रवेशका लागि अनुमति लिनुपर्ने नयाँ व्यवस्था गरेको छ ।

उपत्यका प्रवेश गर्नेले उपत्यकाको स्थानीय तहको अनुमति लिनुपर्ने सूचनामा उल्लेख छ । गृह मन्त्रालयको निर्देशनपछि जिल्ला प्रशासन कार्यालय काठमाडौंले सूचना जारी गरेर प्रवेश गर्ने र बाहिरिने व्यवस्था थप कडाइ गरेको हो ।

उपत्यकाबाट बाहिर जानका लागि अत्यावश्यक काम खुल्ने कागजात पेश गरेर पास लिनुपर्ने सूचनामा उल्लेख छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
आन्तरिक राजस्व कार्यालय वीरगञ्जद्वारा साढे पाँच अर्ब राजस्व सङ्कलन
२०८१ जेठ ६, आइतबार
प्रधानमन्त्री दाहाललाई विश्वास मत दिन्छौँ : माधव नेपाल
२०८१ जेठ ६, आइतबार
संसदीय छानबिन समिति नबनेसम्म प्रधानमन्त्रीलाई विश्वासको मत लिन दिन्नौं : गगन थापा
२०८१ जेठ ६, आइतबार
यान्त्रिक चेकिङ्गमा ७४ जना चालक कारबाहीमा
२०८१ जेठ ६, आइतबार
प्रतिनिधिसभाको बैठक स्थगित, अर्को बैठक भोलि बस्ने
२०८१ जेठ ६, आइतबार
टीकापुरका तत्कालीन मालपोत र नापीप्रमुखसहित ८ जनाविरुद्ध भ्रष्टाचार मुद्दा दायर
२०८१ जेठ ६, आइतबार
प्रधानमन्त्रीले लिने विश्वासको मतमा जसपा सांसद सहभागी नगराउन उपेन्द्रको सर्वोच्चमा रिट
२०८१ जेठ ६, आइतबार