पूर्ण स्वास्थ्यलाभ पछि प्रम निवास फिर्ता

काठमाडौं । छातीमा संक्रमण भएपछि अस्पताल भर्नाहुनुभएका प्रधानमन्त्री केपी शर्मा ओलीलाई पूर्ण स्वास्थ्यलाभ भएकाले पूर्ण स्वास्थ्यलाभ पछि प्रम  सरकारी निवास बालुवाटार फर्कनु भएको छ ।

छातीको संक्रमण, ज्वरो र खोकी नियन्त्रणमा नआएपछि सोमबार महाराजगञ्जस्थित त्रिवि, चिकित्साशास्त्र अध्ययन संस्थान, मनमोहन कार्डियोथोरासिक भास्कुलर तथा ट्रान्सप्लाण्ट सेण्टरमा भर्ना हुनुभएका प्रधानमन्त्री ओलीको शुक्रबार बिहानको परीक्षणका प्रतिवेदन अध्ययनपछि स्वास्थ्यस्थिति सामान्य देखिएको पाइएको भन्दै चिकित्सकहरुले घर लैजान सल्लाह दिएका थिए ।

सेण्टरका कार्यकारी निर्देशक प्रा डा उत्तमकृष्ण श्रेष्ठले शुत्रबार बिहान १० बजे जारी गर्नुभएको प्रेस विज्ञप्तिमा प्रधानमन्त्री ओलीको स्वास्थ्यस्थिति सामान्य भएको उल्लेख गरिएको थियो ।

प्रधानमन्त्री ओलीको उपचारमा मुटुरोग विशेषज्ञ डा अरुण सायमीको संयोजकत्वमा डा दिव्यासिंह शाह तथा छातीरोग विशेषज्ञ डा सन्तकुमार दासको टोली संलग्न छ ।

उहा विगत चार दिनदेखि अस्पतालमा नै भर्ना हुनुभएको थियो । अस्वस्थ भएपछि उहा चिकित्सकहरको सल्लाह अनुसार नेकपाले गरेको चियापानमा पनि सहभागि हुनु भएन ।