कार्तिक ११, २०८३ बुधबार
October 28, 2026
युग खबर
२०८१ असार १८, मंगलबार
काठमाडौंः नेपाल र विश्वका दुई दर्जन भन्दा बढी देशमा रिलिज भईसकेको चलचित्र पुजार सार्कीको हङकङमा भने आईतबार बेलुका मात्र प्रिमियर गरिएको छ ।
सयौँ वर्षदेखि नेपालीहरूको बसोबास रहँदै आएको हङकङमा चलचित्र ‘पुजार सार्की’लाई दर्शकले रुचाएको निर्माण पक्षले जनाएको छ । यो चलचित्र प्रदर्शनका लािग आइतबार यो चलचित्रका अभिनेताहरू आर्यन सिग्देल, पल शाह, अभिनेत्री परीक्षा लिम्बु, लेखक विकास सुवेदी त्यहाँ पुगेका थिए । चलचित्रले पहिलो दिन व्यापारमा नेपाली चलचित्रको नयाँ रेकर्ड बनाएका विकासले बताए ।
विकाश सुवेदीले भने, ‘हङकङमा पुजार सार्कीले व्यापारमा नयाँ रेकर्ड कायम गरेको छ । यसअघि यहाँ प्रायः सामुदायिक हलहरूमा प्रोजेक्टरको प्रयोग गरी चलचित्र प्रदर्शन हुँदै आएको थियो भने हाम्रो चलचित्र अत्याधुनिक आइम्याक्स सिनेमा हलमा एकै दिन दुई शो प्रदर्शन भएको छ ।’
सुवेदीले व्यापारिक हिसाबमा पनि पुजार सार्कीले रेकर्ड कायम गरेको जनाए,‘यसअघि हङकङमा जारी चलचित्रले दर्शक ओरालेको रहेछ । यस पटक पुजार सार्कीमा व्यापक दर्शक आए।’ जारीको रेकर्ड पनि यो चलचित्रले तोडेको उनले दाबी गरे ।
राम्रो नेपाली चलचित्र रहेको खण्डमा संसारको जुनसुकै कुनामा भएता पनि दर्शकले स्वीकार गर्ने सुवेदीको कथन छ । पुजार सार्कीको व्यापार’bout उनले भने, ‘यहाँ दुई वटा हलमा चलचित्र प्रदर्शन भएकोमा दुई वटै हाउसफुल भएपछि झन्डै दुई सय दर्शकले टिकट नपाएर फर्किन बाध्य भए । हामीले चाहेर पनि देखाउन सक्ने स्थिति रहेन ।’ उनले फेरी अर्को शो को आयोजना गरेर बाँकी दर्शकलाई देखाउने बताए । नेपाली समुदाय बस नै रिजर्भ गरेर चलचित्र हेर्न आएको पनि सुवेदीले जनाए ।
व्हाम्पोआ सिनेमा हलको दुई स्क्रिनमा ७ सय भन्दा धेरै दर्शकले चलचित्र हेरेका थिए । चलचित्रका कलाकारहरूसँग बसेर चलचित्र हेर्न पाउँदा दर्शक दङ्ग देखिए । हङकङको लागि बिरेन थापा बिरेले यो चलचित्र प्रदर्शन अधिकार लिएका हुन् ।
दिनेश राउतले निर्देशक गरेको यस चलचित्रमा आर्यन सिग्देल, प्रदीप खड्का, पल शाह, अञ्जना बराइली, परीक्षा लिम्बुलगायतको मुख्य भूमिका छ । यसलाई सुवास भुसालले निर्माण गरेका हुन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया