जेठ ७, २०८१ सोमबार May 20, 2024

असन्तुष्ट पक्षको विरोधकाबीच नेविसंघको विधान पारित गरिदै

शेयर गर्नुहोस:
फन्ट परिवर्तन गर्नुहोस:

काठमाडौ. । प्रमुख प्रतिपक्षी दल नेपाली कांग्रेसको भातृ संस्था नेपाल विद्यार्थी संघको ३२ वर्षे उमेरहदका विषयमा विवाद भएपनि कांग्रेसले त्यसलाई लागू गर्ने तयारी गरेको छ ।

त्यसका लागि कांग्रेस केन्द्रीय कार्यसमितिको बैठक भोलि मसिर १ गते बस्ने तयारी भएको छ । शनिबार दिउँसो पार्टी केन्द्रीय कार्यालय सानेपामा बस्ने बैठकमा मुख्यरुपमा भ्रातृ संस्था नेपाल विद्यार्थी संघको विधान पारित गर्ने कार्यसूची रहेको पार्टी कार्यालयका मुख्य सचिव कृष्णप्रसाद पौडेलले जानकारी दिनुभयो ।

नेविसंघको वर्तमान कार्यसमितिको समयावधि गत भदौमा समाप्त भएर तीन महीना थप गरिएको समय पनि आगामी मंसिर २ गते सकिँदैछ । दुईवर्षे कार्यकालका लागि संघको ११औँ महाधिवेशन विसं २०७३ भदौ २ गते भएको थियो ।

बैठकले संघको विधान पारित गरी १२औँ महाधिवेशन तय गर्न आवश्यक निर्णय लिने पार्टी कार्यालयले जनाएको छ । कांग्रेस तदर्थ समिति बनाएर अधिवेशनका लागि अर्को समयसीमा तोक्ने तयारी पनि गरेको छ ।

३२ वर्षे उमेरहद लागू गरेपछि धेरै विद्यार्थी नेताहरु नेतृत्वमा जानबाट बञ्चित हुनेभएकाले त्यसको विरोध भएको छ । नैनसिंह महर नेतृत्वको नेविसंघको थपिएको कार्यकाल समेत सकिदा महाधिवेशनको कुनै तयारी हुन भने सकेन ।

संस्थापन पक्षले महाधिवेशन नगर्नेसोचका कारण काम नगरेको असन्तुष्ट पक्षको आरोप रहेको छ । यसबाहेक पार्टीको विधान संशोधन मस्यौदा सम्बन्धमा समेत छलफल हुने बताइएको छ ।

कांग्रेसले संघीयताअनुसार पार्टीका संरचना बनाउन महामन्त्री पूणबहादुर खड्काको संयोजकत्वमा विधान संशोधन मस्यौदा समिति गठन गरेको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया