क्रिकेटर शाकिब अल हसनविरुद्ध चेक बाउन्ससम्बन्धी मुद्दामा पक्राउ पुर्जी जारी

काठमाण्डौंः बंगलादेशका पूर्व कप्तान र अनुभवी क्रिकेटर शाकिब अल हसनविरुद्ध चेक बाउन्ससम्बन्धी मुद्दामा पक्राउ पुर्जी जारी भएको छ । ढाकास्थित अदालतका मुख्य न्यायाधीश जियादुर रहमानले पक्राउ पूर्जी जारी गर्दै प्रहरीलाई २४ मार्चभित्र प्रतिवेदन पेश गर्न निर्देशन दिएका छन्।

गत वर्ष, डिसेम्बर १५ मा शाकिब अल हसन र अन्य तीन व्यक्तिमाथि चेक बाउन्ससम्बन्धी मुद्दा दर्ता भएको थियो । आईएफआईसी बैंकका रिलेसनसिप अफिसर शाहिबुर रहमानले ४१.४ मिलियन बंगलादेशी टाका (करिब २.९५ करोड रुपैयाँ) रकम ट्रान्सफर नहुँदा मुद्दा दायर गरेका थिए।

डिसेम्बर १८ मा अदालतले प्रारम्भिक सुनुवाइ गर्दै शाकिबलाई जनवरी १९ मा अदालतमा उपस्थित हुन आदेश दिए पनि अदालतको आदेश उल्लङ्घन गर्दै उनी अनुपस्थित भएपछि पक्राउ पुर्जी जारी गरिएको हो।

शाकिबले अन्तिमपटक २०२४ को अन्त्यतिर कानपुरमा भारतविरुद्ध टेस्ट खेलेका थिए। तर, शंकास्पद बलिङ एक्शनका कारण उनलाई सबै फर्म्याटमा प्रतिबन्ध लगाइएको छ।

शाकिबलाई जनवरी ७, २०२४ मा अवामी लिग पार्टीबाट सांसदका रूपमा चयन गरिएको थियो। अहिले उनी अमेरिकामा यसअघि पनि शाकिबमाथि हत्या अभियोग लागेको थियो।