त्रिकोणात्मक टी-२० सिरिजका लागि महिला टोलीको घोषणा

काठमाडौँ, माघ १३ गते । नेपाल क्रिकेट सङ्घ (क्यान) ले घरेलु मैदानमा हुने त्रिकोणात्मक टी–२० सिरिजका लागि महिला टोलीको घोषणा गरेको छ ।

कीर्तिपुरस्थित त्रिवि मैदानमा माघ १७ देखि २५ गतेसम्म नेपाल, नेदरल्यान्ड्स र थाइल्यान्डसम्मिलित त्रिकोणात्मक सिरिज हुँदैछ ।

टोलीमा हालै मलेसियामा भएको आइसिसी यु–१९ महिला विश्वकप खेलेर फर्किनुभएकी कप्तान पुजा महतो, अलिसाकुमारी यादव प्रधानमन्त्री कपमा सहभागी सुदूरपश्चिमका रेवती धामी, इश्वरी विष्ट र मनिषा उपाध्याय पनि समेटिएको छ ।

तीन टोलीबिच दुई दुई पटक एक अर्कासँग प्रतिस्पर्धा हुनेछ । नेपालले पहिलो खेल माघ १७ गते नेदरल्यान्ड्स र दोस्रो खेल १९ गते थाइल्यान्डसँग खेल्नेछ ।

नेपाली टोली

इन्दु बर्मा (कप्तान), कविता कुँवर, राजमती ऐरी, अलिसाकुमारी यादव, सीता रानामगर, विन्दु रावल, पूजा महतो, ममताकुमारी चौधरी, कविता जोशी, रोमा थापा, इश्वरी विष्ट, सम्झनाकुमारी खड्‌का, रुविना क्षेत्री, मनिषा उपाध्याय र रेवती धामी ।