नेपाल कबड्डी लिग : विराटनगर ब्यान्डिट्सलाई हराँउदै जनकपुर नाइट्स फाइनलमा

काठमाडौं। जनकपुर नाइट्स नेपाल कबड्डी लिगको फाइनलमा पुगेको छ।

त्रिपुरेश्वरस्थित राष्ट्रिय खेलकुद परिषद् (राखेप) कभर्डहलमा आज भएको पहिलो क्वालिफायरमा जनकपुरले विराटनगर ब्यान्डिट्सलाई ३४–३२ ले पराजित गर्दै फाइनलमा पुगेको हो।

योसँगै विराटनगरले फाइनल प्रवेश गर्न दोस्रो क्वालिफायर खेल्ने छ। उसले इलिमिनेटरको विजेतासँग खेल्ने भएको हो। इलिमिनेटरमा काठमान्डु माभरिक्स र हिमालयन रेइडर्सबिचको विजेतासँग खेल्नेछ।

जनकपुरले खेलभर रेडमा १५, ट्याकलमा १३, दुई अलआउटमा चार र बोनसमा दुई अंक जोड्यो। विराटनगरले भने रेडमा आठ, ट्याकलमा १०, एक अलआउटमा दुई र बोनसमा १२ अंक जोड्यो । पहिलो हाफमै जनकपुरले ११ अंकको अग्रता लिएको थियो।

जनकपुर बोनसबाहेक अन्य सबै पक्षमा अब्बल रह्यो। रेडमा ११, ट्याकलमा ६ र दुई अलआउटमा चार अंक जोडेको थियो। बोनसमा भने दुई अंक मात्रै थप्न सक्यो। विराटनगरले भने रेड र ट्याकलमा समान तीन अंक जोड्यो। बोनसमा भने ६ अंक बटुल्दै खेल २३–१२ मा सक्काएको थियो।

दोस्रो हाफमा भने विराटनगरले उत्कृष्ट पुनरागमन गरेको थियो। अन्तिम दुई मिनेट सम्हालिन नसक्दा जनकपुर खेलमा फर्कियो। उसले चार ट्याकल र एक रेडमा तीन अंक थप्दै खेल ३३–३० मा पुर्‍यायो।

जनकपुरले दोस्रो हाफमा कूल ११ अंक जोड्यो। विराटनगरले त्योभन्दा नौ अंक बढी ल्याए पनि जित हात पार्न सकेन। जनकपुरले यो हाफमा रेडबाट तीन, ट्याकलबाट सात र बोनसबाट एक अंक हात पारेको थियो। विराटनगरले भने रेडमा पाँच, ट्याकलमा सात, एक अलआउटमा दुई र बोनसमा ६ अंक बटुल्यो।