सुनचाँदीको मूल्य स्थिर

काठमाडौँ । गत साताका अन्तिम तीन दिनमा तीन हजार चारसय रुपैयाँ घटेको सुनको मूल्य आज स्थिर छ । गएको तीन दिन लगातार घटेको सुनको मूल्य आज शुक्रबारकै मूल्यमा स्थिर रहेको नेपाल सुनचाँदी व्यवसायी महासंघले जनाएको छ ।

सुनको मूल्य आज प्रतितोला एक लाख ६८ हजार एकसय रुपैयाँ कायम भएको छ । गएको शुक्रबार पनि सुन यही मूल्यमा कारोबार भएको थियो । गएको शुक्रबार सुनको मूल्य प्रतितोला दुई हजार दुईसय रुपैयाँ घटेको थियो । त्यसैगरि गएको बुधबार एक हजार र बिहीबार दुईसय रुपैयाँ मूल्य घटेको थियो ।

आज चाँदीको भाउ पनि स्थिर छ । महासंघका अनुसार आज चाँदीको मूल्य तोलाको १ हजार ९ सय १५ रुपैयाँ कायम भएको छ।