इरानका प्रहरी प्रमुखद्वारा ‘दङ्गा’ मा सहभागी इरानीलाई आत्मसमर्पण गर्न आग्रह

फ्रान्स। इरानी सुरक्षा अधिकारीहरूले ‘दङ्गा’ को रूपमा सोचेका प्रदर्शनहरूमा भाग लिन छद्म भेष धारण गरी आन्दोलनमा सहभागी भएका व्यक्तिहरूले तीन दिनभित्र आत्मसमर्पण गरेमा उनीहरूको सजायमा छुट हुने भन्दै आत्मसमर्पण गर्न आन्दोलनमा सहभागी नागरिकलाई आग्रह गरेको छ।

इरानका राष्ट्रिय प्रहरी प्रमुख अहमद–रेजा रादानले सरकारी टेलिभिजनसँग सोमबार भन्नुभयो, “अन्जानमा दङ्गामा संलग्न युवाहरूलाई भूलबस आन्दोलनमा लागेका व्यक्ति मानिनेछ, उनीहरू शत्रु सैनिकहरू होइनन् र इस्लामिक गणतन्त्रले उनीहरूलाई उदारताका साथ व्यवहार गर्नेछ।”

आर्थिक कठिनाइको विरोधमा डिसेम्बरको अन्त्यमा भड्किएको प्रदर्शन इरानी नेतृत्वका लागि सबैभन्दा ठूलो चुनौतीको रूपमा हेरिएको विरोध प्रदर्शनमा परिणत भएको थियो।

हिंसात्मक दमनमा हजारौँको मृत्यु भएको अधिकारवादी समूहहरूले बताएका छन् ।सुरक्षाकर्मीबाट व्यापक धरपकडपछि विरोध प्रदर्शन क्रमिक रूपमा कम भएको थियो।

इरानले कट्टर शत्रु घोषणा गरेका अमेरिका र इजरायलले इस्लामिक गणतन्त्रलाई अस्थिर बनाउने उद्देश्यले भड्किएको प्रदर्शन ‘दङ्गा’मा परिणत हुनुअघि प्रदर्शनहरू शान्तिपूर्ण भएको इरानी अधिकारीहरूले बताएका छन्।

सुरक्षा अधिकारीहरूलाई उद्धृत गर्दै तास्निम समाचार एजेन्सीले गत हप्ताको अन्त्यमा प्रदर्शनको क्रम र त्यसपछिको समयमा करिब तीन हजार मानिसहरूलाई पक्राउ गरिएको बताएको छ ।

अधिकारवादी समूहहरूले यो सङ्ख्या २० हजारसम्म रहेको बताएका छन्। मानव अधिकारकर्मीहरूले सहयोगी इरानीलाई उद्धृत गर्दै प्रदर्शन दबाउने क्रममा हजारौँको मृत्यु भएको हुनसक्ने बताएका छन्, यद्यपि, दावीलाई स्वतन्त्ररूपमा पुष्टि गर्ने आधार तत्काल उपलब्ध गराउन असम्भव रहेको बताएका छन् । इरानमा करिब एक हप्ता सञ्चारका सञ्जालहरूमाथि प्रतिबन्ध (अवरोध) गरिएको थियो।

सर्वोच्च नेता आयातोल्लाह अलि खामेनीले शनिबार अधिकारीहरूले ‘देशद्रोहीहरूको ढाड भाँच्नुपर्ने’ बताउनुभएको थियो । रासस