माघ २३, २०७९ सोमबार February 6, 2023

नेमकिपाले तोक्यो प्रदेश संयोजक (जिम्मेवारी सहित)

शेयर गर्नुहोस:
फन्ट परिवर्तन गर्नुहोस:

काठमाण्डौः नेपाल मजदुर किसान पार्टी (नेमकिपा) केन्द्रीय समितिको मंगलबार सातौ महाधिवेशनपछि बसेको पहिलो केन्द्रिय समितिको बैठकले सातवटै प्रदेशहरूमा संयोजक तोकेको छ ।

नवनिर्वाचित पार्टी अध्यक्ष नारायणमान विजुक्छें (रोहित)को निवास कमलविनायक भक्तपुरमा बसेको पहिलो बैठकले उक्त निर्णय गरेको हो । भक्तपुरमा आयोजित पत्रकार सम्मेलनमा अध्यक्ष नारायणमान विजुक्छें (रोहित)ले केन्द्रिय सदस्यमा मनोनित गरेको र प्रदेश संयोजक तोकिएको जानकारी दिएका हुन् ।

पत्रकार सम्मेलनमा अध्यक्ष रोहितले जनाए अनुसार प्रदेश संयोजकमा क्रमश उमेश कवां, सुरेन्द्रराज गोसाँई, प्रेम सुवाल, डिल्लीप्रसाद काफ्ले, हरिसुन्दर बासी, सरोजराज गोसाँई र नन्दबहादुर शाहीलाई प्रदेश संयोजकको जिम्मेबारी तोकिएका छन् ।

साथै अध्यक्ष (रोहित)को निवासमा बसेको पहिलो वैठकले पार्टी अध्यक्ष विजुक्छेंको अध्यक्षतामा पाँच सदस्यीय केन्द्रिय सचिवालय पनि गठन गरेको पत्रकार सम्मेलनमा जानकारी गराइएको थियो । अध्यक्ष विजुक्छेंको अध्यक्षतामा गठित सचिवालय सदस्यहरूमा प्रेम सुवाल, मोहनप्रसाद प्रजापति, सुनिल प्रजापति र नन्दबहादुर शाही रहेका छन् ।

यसैगरी  अध्यक्ष विजुक्छेंले पार्टी सचिवमा प्रेम सुवाल र कोषाध्यक्षमा मोहनप्रसाद प्रजापतिलाइ जिम्मेवारी तोकिएको बताएका थिए । यसैगरी पहिलो केन्द्रिय समितिको बैठकले केन्द्रीय सदस्यमा रवीन्द्र ज्याख्व र वैकल्पिक केन्द्रीय सदस्यमा राजेन्द्र चवाल र नारायणबहादुर दुवाललाइ मनोनित गरेको जनाएको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया