अमेरिका– इरानलाई इस्लामाबाद सम्झौतामा फिर्ता ल्याउने प्रयासमा पाकिस्तान

काठमाण्डौः द्धिपक्षिय वार्ता जारी रहेको अवस्थामा पाकिस्तानले अमेरिका र इरानलाई इस्लामाबाद सम्झौतामा फिर्ता ल्याउने काम गरिरहेको पाकिस्तानले जनाएको छ । पाकिस्तानी स्रोतले संयुक्त राज्य अमेरिका र इरान बीचको तनाव कम गर्न मद्दत गर्ने कूटनीतिक प्रयासहरू जारी राख्दै, दुबै पक्षहरूलाई इस्लामाबादमा फर्कन आग्रह गरेको जनाएको छ ।

हाल स्ट्रेट अफ होर्मुजको स्थिति सामान्य बनाउन र तनाव कम गर्न दुवै पक्ष बीच वार्ता जारी रहेको पाकिस्तानी विदेश मन्त्रालयका प्रवक्ता ताहिर हुसेन अन्द्राबीले पत्रकारहरुसँगको साक्षतकारमा बताउनु भएको छ ।

पाकिस्तानले आफ्नो भावना र पाकिस्तान–कतारको संयुक्त वक्तव्य अनुरूप सबै अड़चनहरू हटाउन सकियोस भन्ने उदेश्यका साथ दुवै पक्षलाई इस्लामाबाद सम्झौता फिर्ता ल्याउन “सक्दो प्रयास“ गरिरहेको प्रवक्ता अन्द्राबीले बताउनु भएको छ ।

प्रवक्ताले अन्द्राबीले हालैका दिनहरूमा सापेक्ष शान्तिका बावजुद खाडीको सुरक्षा अवस्था “अनिश्चित“ रहेको र पाकिस्तानले वार्ता र कूटनीति नै एकमात्र व्यावहारिक मार्ग रहेको विषयमा विश्वास गरेको बताउनुभएको छ ।

पाकिस्तानले इरान र अमेरिका बीचको शत्रुता अन्त्य गरी वार्ता पुनः सुरु गर्ने प्रयासलाई स्वागत गरेको बताउदै उहाँले क्षेत्रीय शान्ति र स्थिरता प्रवद्र्धन गर्न इस्लामाबादले आफ्नो भूमिका जारी राख्ने बताउनुभएको छ ।

हालै क्षेत्रीय शान्ति कायम गर्न पाकिस्तानी प्रधानमन्त्री शाहबाज सरिफ र साउदी राजकुमार तथा प्रधानमन्त्री मोहम्मद बिन सलमान अल साउद र लाल सागर र स्ट्रेट अफ होर्मुज हुँदै वैध समुद्री व्यापारको निर्बाध प्रवाह सुनिश्चित गर्न समन्वयमा काम गर्न सहमत भएको जनाइएको छ । एजेन्सी