मंग्सिर २, २०८३ बुधबार November 18, 2026

सर्वोच्च नेता मोज्तबासँगको सञ्चार ‘अहिले निकै कठिन’ : इरानी राष्ट्रपति

शेयर गर्नुहोस:
फन्ट परिवर्तन गर्नुहोस: अ अ अ

तेहरान। सर्वोच्च नेता मोज्तबा खामेनीसँग सञ्चार अहिले निकै ‘कठिन’ भएको इरानका राष्ट्रपति मसूद पेजेस्कियानले बुधबार बताउनुभएको छ ।

खामेनी मध्यपूर्व युद्ध सुरु गरेको अमेरिका र इजरायलद्वारा गरेको संयुक्त आक्रमणमा घाइते हुनुभएको थियो भने उहाँ आफ्ना पिताको उत्तराधिकारी बनेपछि सार्वजनिक रूपमा देखा पर्नुभएको छैन ।

मोज्तबाका पिता तथा पूर्ववर्ती इरानका तत्कालिन सर्वोच्च नेताको फेब्रुअरी २८ मा सुरू भएको भएको आक्रमणको सुरूमा नै मृत्यु भएको थियो ।

“अहिले उहाँसँग सञ्चार गर्न निकै कठिन छ, तर जे भए पनि उहाँको उपस्थिति हाम्रा लागि ठूलो शक्ति स्रोत हो जसले हामीलाई अगाडि बढ्न मद्दत गर्छ,” पेजेस्कियानले भन्नुभयो ।

सर्वोच्च नेता मोज्तावा खामेनीले लिखित वक्तव्यमार्फत प्रशासनिक कामलाई सञ्चालन गर्दै आउनुभएको छ । इरान अमेरिकाविरुद्ध द्वन्द्वमा रहेको बेला उहाँको कम उपस्थितिले अन्य उच्च अधिकारीहरूसँगको उहाँको सम्बन्धबारे अटकलबाजीलाई जन्म दिएको छ ।

उहाँ विशेष गरी गत महिना आफ्ना पिताको अन्त्येष्टि समारोहमा समेत उपस्थित हुनुभएको थिएन ।

पेजेस्कियानले पनि आफ्ना नेताको रक्षा गर्दै भन्नुभयो, “आफू उहाँसँग उत्पादक बैठकहरू गर्न सफल हुनुभएको छ । इरानले एक ‘दयालु तथा अत्यन्त स्वस्थ तर्क’ गर्ने नेता पाएको छ ।

“दुर्भाग्यवश, हालको अवस्थाका कारण केही दुर्भावनापूर्ण व्यक्तिहरूले उहाँलाई फरक रूपमा वर्णन गर्छन् र उहाँको फरक छवि प्रस्तुत गर्छन्,” उहाँले भन्नुभयो । रासस

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
तातोपानी नाका तत्काल खुलाउन चीनसँग परराष्ट्रमन्त्री खनालको आग्रह
२०८३ मंग्सिर २, बुधबार
सभामुख अर्याल र चिनियाँ जनसंघका अध्यक्ष याङबीच शिष्टाचार भेटवार्ता
२०८३ मंग्सिर २, बुधबार
दानबहादुर कार्कीको रिटमा सर्वोच्चले बोलायो दुवै पक्ष, अन्तरिम आदेशबारे निर्णय हुने
२०८३ मंग्सिर २, बुधबार
त्रिवि पुनर्संरचनाअन्तर्गत पीएन क्याम्पसलाई स्वायत्त बनाउने गृहकार्य सुरु
२०८३ मंग्सिर २, बुधबार
मोरङमा निःशुल्क आँखा शिविर, ३ हजार ५०० को परीक्षण र २७५ जनाको मोतियाबिन्दुको शल्यक्रिया
२०८३ मंग्सिर २, बुधबार
एनपीएल इलिमिनेटरमा आज काठमाडौं र चितवन भिड्दै, विजेताले दोस्रो क्वालिफायर खेल्ने
२०८३ मंग्सिर २, बुधबार
नमोबुद्ध जात्रा : करुणा र देहत्यागको बौद्ध मान्यता जोडिएको ऐतिहासिक मेला
२०८३ मंग्सिर २, बुधबार