चीनमा टाइफुन डल्फिन आँधीका कारण १० लाख मान्छे बिस्थापित

बेइजिङ, २५ साउन । उत्तरी छिमेकी चीन यतिखेर भिषण आँधिबेहोरीको चपेटमा परेको छ ।

चीन जारी रहेको ‘टाइफुन डल्फिन’ समन्द्री तटमा पुगेसँगै ठोक्किएसँगै चिनियाँ अधिकारीहरूले सांघाईलगायत पूर्वी चीनका विभिन्न क्षेत्रबाट १० लाखभन्दा बढी मानिसलाई सुरक्षित स्थानमा सारेका छन्।

मौसमसम्बन्धी अधिकारीहरूका अनुसार यो आँधी सुरुमा झेजियाङ प्रान्तको युहुआनमा ठोक्किँदा यसको अधिकतम हावाको गति १५० किलोमिटर प्रतिघण्टा थियो, त्यसको करिब एक घण्टापछि यो वेन्झाउ सहरमा पुगेको थियो ।

यस आँधीका कारण उक्त क्षेत्रको यातायात सेवा अवरुद्ध भएको छ भने केवल सांघाईमा मात्रै १ हजार ४०० उडानहरू रद्द गरिएको बीबीसीले जनाएको छ।

चिनियाँ अधिकारीहरूले सुरुमा ‘टाइफुन डल्फिन’ का लागि उच्चतम् स्तरको ‘रेड अलर्ट’ जारी गरिसकेका थिए तर सोमबार बिहानसम्ममा यसलाई ‘ट्रपिकल स्टोर्म’ को स्तरमा घटेको थियो।

आँधी चीनको भित्री भूभागतर्फ अघि बढिरहेको छ र अधिकारीहरूले बुधबारसम्म भारी वर्षा, भीषण बाढी तथा पहिरोको जोखिमबारे चेतावनी दिइरहेका छन्।

सोमबार शानडोङ, हेनान, हुबेई, आन्हुई, जियाङ्सु र झेजियाङ प्रान्त तथा सांघाई सहरमा भारी वर्षाको पूर्वानुमान गरिएको थियो। एजेन्सी