पत्रकार अजयबावु शिवाकोटीको सुरक्षामा गम्भीर हुन सरकारलाइ युनियनको चेतावनी

काठमाण्डौः नेपाल प्रेस युनियनका अध्यक्ष बद्री सिग्देलले बिहीबार प्रेस विज्ञप्ती जारी गरी पत्रकार अजयबावु शिवाकोटीको सुरक्षाको ग्यारेन्टी गर्न प्रहरी प्रशासन र सरकारसँग माग गरेका छन् ।

संसद सचिवालयमा कार्यरत रोशनी शाही र निवर्तमान कृष्णबहादुर महरा बिच भएको भनिएको सेक्स स्क्याण्डल हुँ बहुँ भिडियो सार्वजनिक गर्ने पत्रकार अजयबाबु शिवाकोटीलाइ ज्यान मार्ने धम्की दिएको भन्दै नेपाल प्रेस युनियनले पत्रकार सुरक्षाको माग गरेको हो ।

नेपाल प्रेस युनियनको केन्द्रीय सचिवालयको बिहिबार बसेको आकस्मीक बैठकले युनियनका महासचिव शिवाकोटीलाई नम्बर नखुलेका फोनहरु आउने क्रम शुरु भएको र समाचार सार्वजनिक भएकै दिनदेखि केही समूहले पछ्याउने तथा निगरानी गर्दै आएकोप्रति गम्भिर आपत्ति प्रकट गरेको छ ।

उक्त विज्ञप्तीमा अध्यक्ष सिग्देलले “समाचार लेखेकै आधारमा महासचिव शिवाकोटीलाई पछ्याउने तथा निगरानी गरी असुरक्षा महसुश गराउने जुनसुकै व्यक्ति तथा समूहलाई कानूनी कठघरामा ल्याई कडा कारवाही गर्न तथा उहाँको सुरक्षाको ग्यारेण्टी गर्न प्रहरी प्रशासन तथा सरकारसँग जोडदार माग गर्दछौ” भनिएको छ ।