प्रदेश प्रमुखद्वारा त्रिशुलीको बाढीग्रस्त क्षेत्रको निरीक्षण

​नुवाकोट, भाद्र १४ गते । बागमती प्रदेशका प्रदेश प्रमुखले शनिबार त्रिशुली बजारस्थित बाढीग्रस्त क्षेत्रको स्थलगत अवलोकन तथा निरीक्षण गर्नुभएको छ। अविरल वर्षाका कारण त्रिशुली नदी तथा स्थानीय खोलामा आएको बाढीले गरेको क्षति र विस्थापित नागरिकहरूको अवस्था बुझ्न उहाँ त्रिशुली बजार पुग्नुभएको हो।

​अवलोकनका क्रममा प्रदेश प्रमुखले बाढीबाट प्रभावित स्थानीय बासिन्दाहरूसँग प्रत्यक्ष कुराकानी गर्दै उद्धार, राहत तथा पुनरनिर्माणमा कुनै कमी हुन नदिने प्रतिबद्धता व्यक्त गर्नुभयो। उहाँले बाढीका कारण विस्थापित भएका परिवारलाई तत्काल सुरक्षित ठाउँमा बासस्थान र आवश्यक खाद्यान्न व्यवस्थापन गर्न स्थानीय प्रशासन तथा सुरक्षा निकायलाई निर्देशन दिनुभयो।

​निरीक्षण टोलीमा प्रदेश प्रमुखका साथै स्थानीय जनप्रतिनिधि तथा सुरक्षा निकायका उच्च अधिकारीहरूको उपस्थिति रहेको थियो। सुरक्षा अधिकारीहरूले बाढीले पुर्‍याएको भौतिक क्षति, उद्धार कार्यको हालको स्थिति र राहत वितरणको योजनाबारे प्रदेश प्रमुखलाई जानकारी गराएका थिए।

​प्रदेश प्रमुखले विपद्को यस घडीमा धैर्य रहन स्थानीयलाई आग्रह गर्दै बागमती प्रदेश सरकार र सम्बन्धित निकायहरू जोखिम न्यूनीकरण तथा प्रभावितहरूको पुनर्स्थापनाका लागि निरन्तर खट्ने आश्वासन दिनुभयो।