भाद्र २१, २०८३ आइतबार
September 6, 2026
युग खबर
२०८३ भाद्र २०, शनिबार
काठमाडौँ । दक्षिण कोरियाका विदेशमन्त्री चो ह्युन तीनदिने भ्रमणका क्रममा शनिबार नेपाल आइपुगेका छन् । भ्रमणका क्रममा उनले नेपाली समकक्षी शिशिर खनालसँग भेटवार्ता गर्नेछन् ।
भेटमा रसुवामा आएको बाढी तथा पहिरोपछि बेपत्ता भएका दक्षिण कोरियाली नागरिकको खोज तथा उद्धारमा नेपालले गरिरहेको प्रयासबारे छलफल हुने बताइएको छ ।
भदौ १० गते रसुवामा आएको भीषण बाढी तथा पहिरोमा जलविद्युत् आयोजना निर्माणस्थलमा कार्यरत दक्षिण कोरियाका नौ नागरिक बेपत्ता भएका थिए। बेपत्तामध्ये छ जना दोसान एनर्बिलिटी र तीन जना कोरिया साउथ–इस्ट पावर कम्पनीका कर्मचारी छन् ।
मन्त्री चोले खोज तथा उद्धार कार्यलाई थप प्रभावकारी बनाउन नेपाली पक्षसँग सहयोगका लागि आग्रह गर्नेछन् । उनले बेपत्ता कोरियाली नागरिकका परिवारसँग भेट गर्नुका साथै बाढी प्रभावित क्षेत्रको पुनःस्थापना र द्विपक्षीय चासोका विषयमा पनि छलफल गर्ने कार्यक्रम रहेको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया