भाद्र २२, २०८३ सोमबार
September 7, 2026
युग खबर
२०८३ भाद्र २२, सोमबार
काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछाने र अमेरिकी विदेशमन्त्री मार्को रुबियोबीच आज टेलिफोन वार्ता भएको छ ।
रास्वपाका प्रवक्ता जगदिश खरेलका अनुसार अमेरिकी विदेशमन्त्री रुबियोले भोटेकोशी बाढीबाट भएको जनधनको क्षतिप्रति गहिरो दुःख व्यक्त गर्दै विपद्को यस घडीमा नेपाल र नेपाली जनताप्रति ऐक्यबद्धता जनाउनुभएको छ ।
वार्ताका क्रममा सभापति लामिछानेले नेपाल सरकारले खोज, उद्धार तथा राहतका लागि उपलब्ध सबै स्रोतसाधन परिचालन गरिरहेको जानकारी गराउनुभएको थियो ।
उहाँले नेपाली नागरिकसँगै नेपालमा रहेका विदेशी नागरिकको सुरक्षाप्रति पनि सरकार उत्तिकै प्रतिबद्ध रहेको बताउनुभयाे ।
सभापति लामिछानेले विपद्को कठिन समयमा अमेरिकाले गरेको सहयोगप्रति अमेरिकी सरकारलाई धन्यवाद व्यक्त गर्नुभयाे ।
जवाफमा अमेरिकी विदेशमन्त्री रुबियोले नेपाल सरकारलाई आवश्यक परे थप सहयाेग उपलब्ध गराउने प्रतिबद्धता जनाउनुभएकाे थियाे ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया