मंग्सिर २, २०८३ बुधबार November 18, 2026

मस्कोमा युक्रेनी ड्रोन आक्रमण, तीन जनाको मृत्यु, तेल प्रशोधन केन्द्रमा क्षति

आक्रमणमा युक्रेनमा निर्मित विभिन्न ड्रोन तथा मिसाइल प्रयोग गरिएको दाबी

शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ । रुसको राजधानी मस्को र आसपासको क्षेत्रमा युक्रेनले गरेको भनिएको ठूलो ड्रोन आक्रमणमा कम्तीमा तीन जनाको मृत्यु भएको छ। रुसी अधिकारीहरूले आक्रमणमा आवासीय भवनसहित तेल प्रशोधन केन्द्रमा समेत क्षति पुगेको बताएका छन्। प्रारम्भिक विवरणमा दुई जनाको मृत्यु र छ जना घाइते भएको जनाइएको थियो।

मस्कोका मेयर सर्गेई सोब्यानिनका अनुसार रुसको हवाई प्रतिरक्षा प्रणालीले शनिबारदेखि मस्कोतर्फ लक्षित करिब ४५० सहित १ हजार ६ सयभन्दा बढी ड्रोन खसालेको दाबी गरेको छ। उनले यसलाई मस्कोमाथि भएको अहिलेसम्मकै ठूलो ड्रोन आक्रमणमध्ये एक भएको बताएका छन्।

आक्रमणका क्रममा केही ड्रोन मस्कोस्थित तेल प्रशोधन केन्द्रको परिसरमा पुगेका र त्यहाँको एउटा संरचनामा क्षति पुगेको रुसी अधिकारीहरूले बताएका छन्। एउटा ड्रोन आवासीय भवनमा समेत खसेको जनाइएको छ। मस्को वरपरका क्षेत्रमा घर तथा अन्य संरचनामा पनि क्षति पुगेको बताइएको छ।

मस्को क्षेत्रका गभर्नर आन्द्रे भोरोब्योभका अनुसार रामेन्स्की जिल्लामा २१ तले आवासीय भवनमा क्षति पुगेपछि करिब ४०० जनालाई सुरक्षित स्थानमा सारिएको थियो। सोफिनो क्षेत्रमा तीनतले आवासीय भवनमा ड्रोन खस्दा एक जनाको मृत्यु भएको र अन्य मानिस घाइते भएको उनले बताएका छन्।

यसैबीच, युक्रेनी राष्ट्रपति भोलोदिमिर जेलेन्स्कीले मस्को क्षेत्रमा युक्रेनी लामो दूरीका आक्रमणबाट रुसको एउटा महत्वपूर्ण तेल उद्योगसम्बन्धी संरचना र लजिस्टिक केन्द्रमा क्षति पुगेको बताएका छन्। उनले आक्रमणमा युक्रेनमा निर्मित विभिन्न ड्रोन तथा मिसाइल प्रयोग गरिएको दाबी गरेका छन्।

रुसी अधिकारीहरूले उक्त आक्रमण रुसको संसदीय निर्वाचनको अन्तिम दिनलाई प्रभावित पार्ने उद्देश्यले गरिएको आरोप लगाएका छन्। युक्रेनले भने आक्रमणबारे रुसी अधिकारीहरूको सबै दाबीको स्वतन्त्र पुष्टि हुने अवस्था नरहेको छ। दुवै पक्षले सर्वसाधारणलाई जानाजानी निशाना नबनाउने दाबी गर्दै आएका छन्।

आक्रमणका कारण मस्को क्षेत्रका केही स्थानमा आगलागी तथा भौतिक क्षति भएको छ। ऊर्जा तथा तेल संरचनामाथि हुने यस्ता आक्रमणले रुसको इन्धन आपूर्तिमा समेत असर पार्न सक्ने बताइएको छ। एजन्सी

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
तातोपानी नाका तत्काल खुलाउन चीनसँग परराष्ट्रमन्त्री खनालको आग्रह
२०८३ मंग्सिर २, बुधबार
सभामुख अर्याल र चिनियाँ जनसंघका अध्यक्ष याङबीच शिष्टाचार भेटवार्ता
२०८३ मंग्सिर २, बुधबार
दानबहादुर कार्कीको रिटमा सर्वोच्चले बोलायो दुवै पक्ष, अन्तरिम आदेशबारे निर्णय हुने
२०८३ मंग्सिर २, बुधबार
त्रिवि पुनर्संरचनाअन्तर्गत पीएन क्याम्पसलाई स्वायत्त बनाउने गृहकार्य सुरु
२०८३ मंग्सिर २, बुधबार
मोरङमा निःशुल्क आँखा शिविर, ३ हजार ५०० को परीक्षण र २७५ जनाको मोतियाबिन्दुको शल्यक्रिया
२०८३ मंग्सिर २, बुधबार
एनपीएल इलिमिनेटरमा आज काठमाडौं र चितवन भिड्दै, विजेताले दोस्रो क्वालिफायर खेल्ने
२०८३ मंग्सिर २, बुधबार
नमोबुद्ध जात्रा : करुणा र देहत्यागको बौद्ध मान्यता जोडिएको ऐतिहासिक मेला
२०८३ मंग्सिर २, बुधबार