शिवपुरी-५ मा देउवा पक्षको वडा अधिवेशन सम्पन्न, सभापतिमा रविन्द्र पौडेल विजयी

काठमाण्डौं । नेपाली कांग्रेस देउवा समुहको १५औँ महाधिवेशनअन्तर्गत शिवपुरी-५ मा वडा अधिवेशन सम्पन्न भएको छ। अधिवेशनले रविन्द्र पौडेलको सभापतित्वमा नयाँ वडा कार्यसमिति चयन गरेको हो।

अधिवेशनबाट उपसभापतिमा सिंहबहादुर तामाङ र निरमाया थापा, सचिवमा श्याम कुमार तामाङ चयन भएका छन्।

वडा समितिको सचिवमा श्याम कु. तामाङ तथा सह-सचिवमा ठाकुर थापा निर्वाचित भएका छन् ।

त्यस्तै, खुला सदस्यहरूमा प्रेम बल तामाङ, जयराम बुढाथोकी र कृष्ण बहादुर तामाङ चयन भएका छन् । खुला महिला सदस्यमा गोमा मोक्तान र सीता थापा तथा दलित सदस्यमा रत्न ब. सार्की रहेका छन्। कार्यसमितिको अन्य सदस्यहरूमा जिवन घले र कृष्ण थापा निर्वाचित भएका छन् ।

कुनै पनि दाबी विरोध नपरी सर्वसम्मत रूपमा वडा कार्यसमिति चयन भएसँगै स्थानीय तहमा महाधिवेशनको साङ्गठनिक चहलपहल थप बढेको छ ।