मंग्सिर १, २०८३ मंगलबार November 17, 2026

बैतडीको पाटन बजार क्षेत्र दुई दिनका लागि सिल गर्ने जिल्ला प्रसासनको निर्णय

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः बैतडीको पाटन बजार क्षेत्रलाई दुई दिनका लागि सिल गरिएको छ । पाटनस्थित उदयदेव मन्दिरमा महानवमीका अवसरमा लाग्ने मेलालाई मध्यनजर गरेर बजार क्षेत्र सिल गरिएको इलाका प्रहरी कार्यालय पाटनका प्रमुख प्रहरी निरीक्षक धनदेव साउँदले जानकारी दिए ।

शुक्रबार बसेको सर्वपक्षीय बैठकले शनिबार बिहान १० बजेदेखि आइतबार दिउँसो ४ बजे सम्मका लागि बजार क्षेत्र सिल गर्ने निर्णय गरेको थियो । सोही निर्णय अनुसार बजार क्षेत्र सिल गरिएको साउँदले जानकारी दिए ।

कोरोना भाईरसको जोखिम कायमै रहेकाले मेलाको बेला हुन सक्ने भीडभाडलाई नियन्त्रण गर्नका लागि बजार क्षेत्र सिल गरिएको हो । दुईदिन सम्म बजार पूर्ण रुपमा बन्द रहनेछ भने उदयदेव मन्दिरमा लाग्ने मेलालाई व्यवस्थित बनाइने साउँदले जानकारी दिए । जिल्ला सुरक्षा समितिको निर्णय अनुसार उदयदेव मन्दिरमा दिइने बलिमा समेत रोक लगाइने उनले दाबी गरे ।

जिल्ला सुरक्षा समितिले नित्य पूजा बाहेकका अरु सबै क्रियाकलापमा रोक लगाइएकाले सोही अनुसार मन्दिरमा नित्य पूजा मात्रै हुने र बलि दिन रोक लगाइएको साउँदले जानकारी दिए ।

यस्तै बजार क्षेत्र सिल भएको र कसैले निर्णय उल्लंघन गरेमा ५ हजार जरीवाना सहित कानुनी कारवाही हुने उनले बताए । जिल्लाका विभिन्न धार्मिक स्थलहरुमा बलिसहितको पूजाआजामा रोक लगाइएको भएपनि धेरै ठाउँमा बलि समेत भएको पाइएको छ । स्थानीयहरुले आफ्नो धर्मसंस्कृति नछोड्ने भन्दै विभिन्न शक्तिपीठहरुमा महाष्टमीको अवसरमा बलि दिइएको जानकारी प्राप्त भएको छ । यसअघि स्थानीय प्रशासनले बलिमा रोक लगाउने निर्णय गरेको भएपनि सो निर्णय कार्यान्वयन भने हुन सकेको छैन् ।

बैतडीमा बलि सहित जात्रा मनाउन रोक लगाउने भनिएपनि जात्रा भने भैरहेकाछन् । शनिबार दशरथचन्द नगरपालिका २ दहिमाण्डौँ स्थीत निङ्गलाशैनि भगवति मन्दीरमा करिब ४सय बढि रांगाबोकाको बलि दिई मेला सम्पन्न भएको छ । यसअघि वडा कार्यालय र निङ्गलाशैनि धार्मीक सेवा समितिले मेलामा कसैलाई नआउन सुचना जारी गरेको थियो । जात्रा मनाउन रोक लगाएको भएपनि जात्रा मनाइएको स्थानियबासिले बताएका छन् ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
करको दर होइन, आर्थिक गतिविधि बढाउनुपर्छ : मुख्यमन्त्री थापामगर
२०८३ मंग्सिर १, मंगलबार
केन्द्रीय कमिटी बैठक मंसिर ४ गते बोलाउने एमालेको निर्णय
२०८३ मंग्सिर १, मंगलबार
सभामुख अर्यालसँग फ्रान्स-नेपाल संसदीय समूहकी अध्यक्षद्वारा शिष्टाचार भेटवार्ता
२०८३ मंग्सिर १, मंगलबार
एनपिएल : दीपेन्द्रको अर्धशतक, लुम्बिनीलाई सुदूरपश्चिमको १०६ रनको लक्ष्य
२०८३ मंग्सिर १, मंगलबार
वित्तीय अपराध अनुसन्धानलाई परिणाममुखी बनाउन सूचना आदानप्रदान प्रणाली सुदृढ गर्नुपर्ने : आईजीपी केसी
२०८३ मंग्सिर १, मंगलबार
अन्तरराष्ट्रिय शैक्षिक सहकार्य विस्तार गर्न त्रिविद्वारा ‘कन्ट्री फोकल पर्सन’ को आह्वान
२०८३ मंग्सिर १, मंगलबार
बैतडीको रौलाकेदार धाममा भक्तजनको घुइँचो, कार्तिक शुक्ल अष्टमीमा विशेष पूजा
२०८३ मंग्सिर १, मंगलबार