असोज २२, २०८३ बिहिबार
October 8, 2026
युग खबर
२०८३ असोज २२, बिहिबार
काठमाडौं, २२ असोज । एमाले स्थायी कमिटी बैठक सुरु भएको छ । बिहीबार दिउँसो साढे १ बजेदेखि पार्टी कार्यालय च्यासलमा एमाले स्थायी कमिटी बसेको हो ।
बैठक पार्टी अध्यक्ष केपी ओलीको अध्यक्षतामा बसेको छ । एमाले स्थायी कमिटी बैठकमा पूर्वराष्ट्रपति विद्यादेवी भण्डारी पनि सुहभागी भएकी छन् ।
पूर्वराष्ट्रपति भण्डारीलाई हालै एमालेको केन्द्रीय कमिटी बैठकले वरिष्ठ नेतामा मनोनीत गरेको थियो । वरिष्ठ नेताको रूपमा उनी एमाले बैठकमा सहभागी हुन लागेको यो पहिलोपटक हो ।
राष्ट्रपति बन्नुअघि उनी एमालेको उपाध्यक्ष थिइन् । ११ वर्षपछि एमालेको वरिष्ठ नेताका रूपमा पूर्वराष्ट्रपति भण्डारी एमाले स्थायी कमिटी बैठकमा सहभागी भएकी हुन् ।न्यूजकारखाना
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया