मंसिर २२, २०८० शुक्रबार
December 8, 2023
न्युज डेस्क
२०७६ असोज २०, सोमबार
काठमाण्डौः सत्तारुढ नेपाल कम्युनिष्ट पार्टी (नेकपा) ले असोज २९ गते चियापान कार्यक्रमको आयोजना गर्ने भएको छ । दशैँ, तिहार, नेपाल सम्वत, छठ लगायत चाडपर्वको अवसरमा सदाझै चियापान कार्यक्रमको आयोजना गर्न लागेको हो ।
राजधानी काठमाडौँको भृकुटीमण्डपमा आयोजना गरिने चियापान कार्यक्रमका लागी करिब विभिन्न संघ संस्था तथा पार्टीका एक लाख भन्दा बढी कार्डहरू वितरण गरिरहेको जनाएको छ ।
पार्टी केन्द्रिय कार्यालयका अनुसार चियापान कार्यक्रममा ४० हजार सर्वसाधरण र विशिष्ट उपस्थिती रहने बताइएको छ । सर्वसाधरणको लागि मध्यान्ह १२ बजेदेखि ३ बजेसम्म चियापान कार्यक्रम राखिएको छ ।
यसैगरी कुटनीतिक नियोग तथा सम्मानित ब्यक्तिहरूको लागि भने ३ बजेदेखि ५ बजेसम्मको समय निर्धारण गरिएको छ । चियापान समारोह कार्यक्रममा पार्टीका अध्यक्षद्धय, तथा नेताहरूले स्वागत गर्ने कार्यक्रम राखिएको छ ।
तत्कालिन एमालेका अध्यक्ष मनोमहोन अधिकारीले शुरू गरेको चियापान कार्यक्रमलाई निरन्तरता दिइएको नेकपा नेताहरूले बाताएका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया