कार्तिक १४, २०८३ शनिबार
October 31, 2026
युग खबर
२०८३ कार्तिक १४, शनिबार
काठमाडौं। काठमाडौं उपत्यकामा ट्राफिक नियम उल्लंघन गर्ने ३१४ वटा सवारीसाधनमाथि कारबाही गरिएको छ।
काठमाडौं उपत्यका ट्राफिक प्रहरी कार्यालयका अनुसार शनिबार बिहान ६ बजेसम्मको २४ घण्टामा नियम विपरीत सञ्चालन भएका सवारीसाधनलाई नियन्त्रण र कारबाहीमा पारिएको हो।
कारबाहीमा परेकामध्ये तीव्र गतिमा सवारी चलाउने ११, मादक पदार्थ सेवन (मापसे) गरी चलाउने ४० र सिसिटिभी निगरानीमार्फत पहिचान गरिएका १६ सवारीसाधन रहेका छन्।
यसैगरी, ट्राफिक बत्ती उल्लङ्घन गर्ने ७, हर्न निषेध नियम नमान्ने १ तथा सवारीको यान्त्रिक अवस्था ठीक नभएका ५ वटा सवारीसाधन कारबाहीमा परेका छन्। अन्य विभिन्न शीर्षक अन्तर्गत २३२ सवारीसाधनमाथि कारबाही गरिएको ट्राफिक प्रहरीले जनाएको छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया