तत्कालीन सभामुख कृष्णबहादुर महरा सांसदबाट निलम्बन

काठमाण्डौः तत्कालीन सभामुख कृष्णबहादुर महरा सांसद पदबाट निलम्बन भएका छन् ।

संघीय संसद सचिवालयका महासचिव मनोहर प्रसाद भट्टराइले विहिबार सुचना प्रकासित गरी महराको सांसद पद निलम्बनमा परेको जनाएका हुन् ।

प्रतिनिधिसभा नियमावलीमा फौजदारी अभियोग लागेका सांसदको पद निलम्बन हुने व्यवस्था रहेको छ  । आईतबार महरा पक्राउ परेपछि कार्यालय खुलेकै दिन सचिवालयले उनी सांसद पदबाट निलम्बनमा परेको सूचना जारी गरेको हो ।

यो सुचनासँगै निलम्बनमा परेका महराको सांसदको हैसियतमा पाउने सेवा सुविधा समेत रोक्का भएको छ  ।

संघिय संसदका महासचिव मनोहर प्रसाद भट्टराईद्धारा जारी गरिएको सुचनामा जबर्जस्ती करणी उद्योग मुद्दाको अनुसन्धानको सिलसिलामा तत्कालीन सभामुख कृष्णबहादुर महरालाई संविधान बमोजिम प्रहरीले नियन्त्रणमा लिएको जनाईएको छ ।

बिहिबार अपरान्ह जारी गरिएको विज्ञप्तीमा भनिएको छ काठमाडौ जिल्ला अदालतबाट असोज १९ गते पक्राउ अनुमति प्राप्त भएबमोजिम महरालाइ सभामुख निवासबाट उक्त मुद्दाको अनुसन्धानको सिलसिलामा नेपालको संविधानको धारा (१) सय (३) को उपधारा (६) बमोजिम नियन्त्रणमा लिइएको उल्लेख गरिएको छ ।