चैत्र २८, २०८२ शनिबार
April 11, 2026
न्युज डेस्क
२०७६ कार्तिक ३, आइतबार
काठमाण्डौः गोपाल किराँती नेतृत्वको नेकपा (माओवादी केन्द्र)ले उपनिर्वाचनलाई बहिष्कार गर्ने निर्णय गरेको छ ।
शनिबार काठमाण्डौमा सम्पन्न केन्द्रीय समितिको बैठकले आगामी मंसिर १४ गते हुने उप–निर्वाचनलाई हड्ताल सहितको बहिष्कार गर्ने निर्णय गरेको सो पार्टीका युवा नेता आलोक रायमाझीले बताएका छन् ।
पार्टी केन्द्रीय कार्यालय गौशालमा असोज ३० गते बसेको पदाधिकारी र कार्तिक १ गते बसेको पोलिटब्युरो बैठकले तय गरेका एजेण्डालाई शनिवार अनामनगरमा बसेको केन्द्रिय समितिको बैठकले टुंगो लगाएको हो ।
हाल सो पार्टीमा गोपालि किराँतीको नेतृत्वमा ६५ जना केन्द्रिय सदस्य रहेका छन् । बैठकमा वर्तमान सरकारको पछिल्लो गतिविधीका बारेमा केन्द्रीय सदस्यहरुले रिर्पोटिङ गर्नुका साथै पार्टी सुदृढीकण र संगठन विस्तार गर्न नेतृत्व तहको ध्यानाकर्षण गरेका थिए । बैठकले वैद्य नेतृत्वको नेकपा (क्रान्तिकारी माओबादी), विप्लव नेतृत्वको नेकपा लगायतका क्रान्तिकारी शक्तिहरुसँगको एकतालाई मुल एजेण्डालाई पनि समर्थन गर्ने निर्णय गरेको जनाइएको छ ।
गत असोज २ गते सरकारलाई दिइएको १८ बुँदा सहितको एक महिने अल्टिमेटम पत्रको सुनुवाई हालसम्म नगरेको कारण पनि उपनिर्वाचनलाई वहिष्कार गर्नु परेको पनि बताइएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया