तीन किलो नक्कली सुनसहित भारतीय पक्राउ

काठमाडौं । प्रहरीले तीन किलोग्राम नक्कली सुनसहित एकजना भारतीयलाई पक्राउ गरेको छ।

महानगरीय प्रहरी वृत्त महाराजगञ्जको टोलीले तीन किलोग्राम नक्कली सुनसहित भारतीय नागरिक मोहनलाल गुजरातीलाई आज (शुक्रबार) बिहान गोङ्गबु नयाँ बसपार्कबाट पक्राउ गरेको हो।

वृत्तका प्रमुख, प्रहरी नायब उपरीक्षक उमेश लम्सालले नक्कली सुनको सिक्का बोकेर हिँडेको अवस्थामा गुजरातीलाई पक्राउ गरेको जानकारी दिएका छन।

पक्राउ गुजरातीलाई हिरासतमा राखेर ठगी मुद्दा दर्ता गरी अनुसन्धान भइरहेको लम्सालले बताएका छन।