वैशाख ३०, २०८१ आइतबार
May 12, 2024
युग खबर
२०७८ फागुण ४, बुधबार
काठमाण्डौ्ः चर्चित लोक गायक विमलराज क्षेत्री सांस्कृतिक संघको महामन्त्रीमा नियुक्त भएका छन् । नेपाल सांस्कृतिक संघमा लामो समयदेखि आवद्ध लोकगायक क्षेत्रीलाई अध्यक्ष तीर्थ थापाले महामन्त्रीमा मनोनयन गरेका हुन् । दर्जनौ लोकगितका रचनाकार तथा गायक क्षेत्री पर्वत जिल्लाबाट नेपाली कांग्रेसको १४ औं महाधिवेशनमा महाधिवेशन प्रतिनिधि समेत थिए ।
क्षेत्रीको कांग्रेसमा आवद्धता धेरै वर्ष अघि देखिको हो। उनी ट्रेड युनियन कांग्रेसमा समेत आवद्ध थिए। कांग्रेसको प्रचारका लागि क्षेत्रीले गाएको ‘सुन सुन साथी’ बोलको गीत पार्टीका सभा तथा सम्मेलनमा सर्वाधिक बज्ने गीतमा पर्दछ। नेता रामचन्द्र पौडेलको पक्षमा प्रचारमा सहयोग पुग्नेगरी समेत उनले गीत गाएका छन्।
‘छैन नि जालझेल,
असल छवि असल नेता, रामचन्द्र पौडेल।।’
पौडेलको शब्द रचना रहेको ‘बीपी सम्झेर’ गीतमा पनि क्षेत्रीले स्वर र संगीत दिएका छन्। साथै, ‘कांग्रेसको सिपाही म’ गीतमा क्षेत्री र स्मृति शाहीले स्वर दिएका छन्। उक्त गीतको शब्द भने मणि अर्यालले लेखेका छन्। ‘कांग्रेसको मुटुमा’ गीत उनले बजारमा ल्याएका थिए। पार्टीले आयोजना गर्ने सभा तथा सम्मेलनमा समेत उनले कांग्रेसको पक्षमा गीत गाउँदै आएका छन्।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया