श्रावण १६, २०८३ शनिबार
August 1, 2026
युग खबर
२०७९ जेठ १४, शनिबार
काठमाडौंः गीतकार किशोर चाम्लिङ ‘सोमबारे हाटैमा’ गीत लिएर दर्शकमाझ आएका छन् । पूर्वेली लोक भाकामा गाइएको ‘सोमबारे हाटैमा’ गीतमा सुनिता थेगिम र रत्न राईको स्वर रहेको छ । उक्त गीत शनिबार टाइमलाइन टिभीमार्फत दर्शकमाझ सार्वजनिक गरिएको हो ।
गीतमा प्रेमजोडीको प्रेमालापबारे गीतकार चाम्लिङले शब्दमार्फत उतारेका छन् । गीतमा केटा र केटीको भेटघाट र त्यसपछि बसेको गहिरो मायाप्रेमलाई गीतकारले फूल उनेर माला बनाइदिएका छन् ।
गीतको सुरु केटाबाट सुरु हुन्छ । केटाले आफूहरुको पहिलो भेट खोटाङको तुवाचुङमा साकेला नाच्दा जाँदा भेट भएको बेलीविस्तार गीतमार्फत लगाउँछ । त्यसपछि सन्जोगले दोस्रो भेट फेरि रम्भुवा मेलैमा भएको भनेर केटी मस्किन्छे । यसरी नै गीत नदीजसरी सलल बगेको ।
स्टुडियो किङमा रेकर्ड गरिएको १० मिनेट ३ सेकेन्डको गीतको संगीत गायक रत्न राई स्वयंले भरेका छन् भने एरेन्ज कृष्णभक्त राईले गरेका छन् । यस्तै, गीतको कोरस मनिषा राई र दिपा तामाङले निर्वाह गरेका छन् भने गीतको रेकड मनिष राईले गरेका छन् । गीतको मिक्सिङ/मास्टरिङ सुरज कार्कीको रहेको छ भने क्यामेरातर्फ मनोज राई रहेका छन् ।
सरल भाषामा प्रेमजोडीको प्रेमसँगै गाउँले जीवनबारे पनि गीतकारले शब्दमार्फत बयान गरेका छन् । गाउँको मेलपात, हलेसी बजार, कानैमा ढुङ्ग्री नाकैमा फुली, खाँडीको थान, कपासको धागो, घुर्यानको बारी, गाईगोठलगायत दृश्यहरुलाई गीतकार चाम्लिङले गीतमार्फत सजिलो ढंगले वर्णन गरेका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया