कार्तिक ३०, २०८३ सोमबार November 16, 2026

निगमलाई निजीकरण गर्ने सोंच छैन : मन्त्री बडू

शेयर गर्नुहोस:
फन्ट परिवर्तन गर्नुहोस: अ अ अ

काठमाडौंः उद्योग, वाणिज्य तथा आपूर्तिमन्त्री दिलेन्द्रप्रसाद बडूले नेपाल आयल निगमलाई निजीकरण गर्ने पक्षमा आफू नरहेको स्पट पार्नु भएको छ । अर्बौको कमिशन लिएर निगमलाई निजीकरण गर्न लागिएको भन्ने चर्चा सञ्चार माध्यममा भइरहेकाबेला मन्त्री बडूले आफू सो पक्षमा नरहेको बताउनुभएको हो ।

आईतबार संघीय संसद प्रतिनिधिसभा अन्तर्गतको उद्योग तथा वाणिज्य र श्रम तथा उपभोक्ता हित समितिको बैठकमा उहाँले आयल निगमलाई आफूले निजीकरण गर्न लागेको भन्ने कुरा निराधार, भ्रामक र आधारहिन भएको चर्चा गर्दै त्यसको पछि नलाग्न आग्रह गर्नुभयो । मन्त्री बडूले अर्बौको कमिशन लिएर निगमलाई निजीकरण गर्न लागिएको भन्ने विषय हल्ला मात्र भएको बताउनुभयो । आफूले नेपाल आयल निगमको निजीकरण नभई त्यसलाई पारदर्शी बनाउन चाहेको उहाँले दावी गर्नुभयो ।

मन्त्री बडूले भन्नुभयो, ‘मैले नेपाल आयल निगमको पारदर्शिताको कुरा गरेको छु । तर पनि निजीकरणको हल्ला भइरहेको छ । करोडौं, अर्बौको कमिशनको कुरा आइरहेको छ । त्यसमा मैले आधि लिएको कुरा जिम्मेवार नेताहरुले बोल्नुभएको छ । यो निराधार, भ्रामक ढंगले भ्रम फैल्याउने कुरा हो ।’ यी सबै कुरा भ्रम फैलाउने कुरा भएको उहाँले प्रष्ट पार्नुभयो । “यसलाई निजीकरण गरिने छैन । पेट्रोलियम पदार्थको काम नेपाल आयल निगमले नै गर्ने हो । सुधार भने गरिनुपर्छ” उहाँले भन्नुभयो ।

मन्त्री बडूले पेट्रोलियम पदार्थमा देखिएको घाटा कम गर्न तत्कालका लागि विद्युतको खपत बढाउनु पर्नेमा जोड दिनुभयो । पेट्रोलियम पदार्थमा देखिएको समस्या समाधानका लागि सरकारले पेट्रोलियम पदार्थ सम्बन्धी ऐन निर्माण गर्ने तयारी गरिरहेको पनि बताउनु भयो । उहाँले थप्नुभयो, ‘हालसम्म नेपालमा पेट्रोलियम पदार्थको छुट्टै ऐन छैन । ऐन ल्याएर यसको दीर्घकालीन समस्या समाधान गरिनुपर्छ ।’

नेपाल आयल निगमका कार्यकारी निर्देशक उमेशप्रसाद थानीले हाल नेपाल आयल निगम करिव ५० अर्ब घाटामा रहेको समितिलाई जानकारी गराउनुभयो । उहाँका अनुसार निगमले भारतीय आयल कर्पोरेशनलाई तिर्नुपर्ने बक्यौता रकम २२ अर्ब ४० करोड रुपियाँ रहेको छ । नेपाल आयल निगमले आर्थिक वर्ष २०७८–७९ को असार मसान्तसम्म नेपाल सरकारलाई करिव १ खर्व २० अर्ब ६ करोड राजस्व बुझाएको जनाएको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
सीद्वारा ट्रम्प र पुटिनसँग त्रिपक्षीय बैठकको पुष्टि
२०८३ कार्तिक ३०, सोमबार
अमेरिकासँग कुरा नमिले चीनसँग सहकार्य गर्ने कार्नीको सङ्केत
२०८३ कार्तिक ३०, सोमबार
‘विपद्का बेला नेपाली सेनाको बहुआयामिक भूमिका, उद्धारदेखि पुनःस्थापनासम्म सक्रिय’
२०८३ कार्तिक ३०, सोमबार
‘कार्बन बजारमा संसदीय निगरानी र समुदायको लाभ सुनिश्चित हुनुपर्छ’ : डा. कार्की
२०८३ कार्तिक ३०, सोमबार
सञ्चारमाध्यमको कोष विवादमा चेक गणतन्त्रमा विशाल प्रदर्शन
२०८३ कार्तिक ३०, सोमबार
राष्ट्रपति पौडेलसमक्ष तीन नवनियुक्त राजदूतले लिए पद तथा गोपनीयताको शपथ
२०८३ कार्तिक ३०, सोमबार
रास्वपा सांसद अमरेशकुमार सिंहले थाले मेची–महाकाली पदयात्रा
२०८३ कार्तिक ३०, सोमबार