माघ १६, २०७९ सोमबार January 30, 2023

आधारशिलामा निवन्ध प्रतियोगिता सम्पन्न

शेयर गर्नुहोस:
फन्ट परिवर्तन गर्नुहोस:

काठमाडौं । राजधानीको नयाँबजारमा रहेको आधारशिला क्याम्पसको साहित्य विभागले विद्यार्थीहरुको क्षमता विकास गर्नका लागि भन्दै निबन्ध प्रतियोगिताको आयोजना गरेको छ ।

शनिबार राष्ट्रव्यापी रुपमा आयोजना गरिएको निबन्ध लेखन प्रतियोगितामा नेपाल राष्ट्रिय माध्यामिक विद्यालय काठमाडांैमा कक्षा १२ मा अध्ययनरत बिनिता रिमाल प्रथम भएकी छिन् । बैदेशिक रोजगार र बौद्धिक पलायन भन्ने शिर्षकमा भएको निबन्ध लेखन प्रतियोगितामा संस्कृत मावि गोरखामा कक्षा १२ मा अध्ययनरत सुमिता लामिछाने दोस्रो र नेपाल प्रहरी विद्यालय काभ्रेमा कक्षा १२ मै पढ्ने अस्मिता कार्की तेस्रो भएकी छिन् ।

त्यस्तै अक्सर्फोड माध्यामिक विद्यालय काठमाण्डौका निर्मल रेग्मि तथा मण्डली मावि धादिङ ठूलखर्कमा अध्ययरत युनिता आलेमगरले चौथो स्थान हासिल गर्न सफल भएका थिए । निबन्ध लेखन प्रतियोगितामा २४ जना विद्यार्थी सहभागी थिए ।प्रतियोगितामा प्रथम हुनेले १० हजार, दोस्रो हुनेले ७ हजार, तेस्रो हुनेले ५ हजार तथा सान्त्वनाले १ हजार ५ सय नगद सहित प्रमाणपत्र प्रदान गरिएको क्याम्पस प्रमुख समिर सिंहले जानकारी दिनुभयो ।

आधारशिला क्याम्पसमा नियमित रुपमा हुने साहित्यिक श्रृङखला अन्र्तगत राष्ट्रिय निबन्ध लेखन प्रतियोगिता आयोजना गरिएको आधारशिला साहित्य विभागकी अध्यक्ष कौशिला रिसालले जानकारी दिनुभयो । विद्यार्थीहरुलाई साहित्यमा सक्रिय बनाई उनीहरुलाई साहित्य लेखनमा रुची जगाउन तथा नव प्रतिभाहरुको खोजी गर्न निबन्ध लेखन प्रतियोगिताको आयोजना गरिएको अध्यक्ष रिसालले बताउनुभयो ।

आधारशिला क्याम्पसका प्रवन्ध निर्देशक रमेश पौडेलले पढाई मात्रै नभई विद्यार्थीलाई सृजनशिल बनाउन तथा उनीहरुको लेखन क्षमता विकास गराउनको लागि प्रतियोगिताको आयोजना गरिएको बताए ।

कार्यक्रममा डा पुष्करराज भट्ट, प्राध्यापक छायादत्त न्यौपाने र नरेन्द्र नगरकोटीले निर्णायकको भूमिका निर्वाह गर्नुभएको थियो । स्नातहतहसम्म अध्ययन हुने सो कलेजमा धादिङ, गोर्खा, नुवाकोट,काभ्रे लगायतका जिल्लाबाट विद्यार्थीहरु अध्ययनका लागि आउने गरेका छन् ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया