माघ १७, २०७९ मंगलबार January 31, 2023

एकता गाउँसम्म पुग्न सकस

शेयर गर्नुहोस:
फन्ट परिवर्तन गर्नुहोस:

विदुर । पुर्व एमाले र पुर्व माओवादीबीच भएको पार्टी एकतालाई केन्द्रदेखी गाउँसम्म पुरयाउन निकै सकस उत्पन्न भएको छ । केन्द्रीय तहमा पार्टी एकिकरण भएपनि त्यसका भातृ संस्थाहरुमा अझै एकिकरण भएको छैन । भातृ संस्था मध्ये इन्जिनिरहरुको संस्थामा मात्रै एकिकरण भएको छ ।

अन्य संस्थाहरु,पत्रकार संघ, संगठन,मजदुर संगठन,विद्यार्थी संगठन, ,कर्मचारी संगठन लगायतमा एकता हुन बाँकी रहेको छ । भदौं ५ गतेभित्र एकता गरिसक्ने बताइएको भएपनि तत्काल त्यस्तो सम्भावना नदेखिएको नेताहरुले नै बताउन थालेका छन् । विगतमा पार्टी एकताका समयमा गरिएको भागबण्डाका आधारमा नै एकता हुने भएको छ ।

भित्री सहमति अनुसार एमालेले ६० प्रतिशत र माओवादीले ४० प्रतिशत हिस्सा लिएर एकता गर्ने तयारी भएको छ । माओवादीले बराबरी हैसियतमा एकता हुनुपर्ने अडान राखेको भएपनि पछिल्लो समय अध्यक्ष दाहाल पछाडि हट्नु भएको छ ।

स्रोतका अनुसार भातृ संस्थाहरुदेखि जिल्ला, नगर गाउँ र वडा तहसम्म नै त्यहि अनुसार एकताको अन्तिम मोडल कार्यदललले तयार पारेको छ ।

कार्यदललले तयार पारेको मोडनमा नेताहरु सहमत भएपनि कुन ठाउँमा कसले नेतृत्व लिने भन्ने विषयमा भने सहमति हुन सकेको छैन । भातृ संस्थाहरुमध्ये पत्रकारहरुको संगठनमा एमालेले नेतृत्व लिने सम्भावना रहेको छ भने मजदुर संगठनमा माओवादीले नेतृत्व लिने विषयमा कुरा भैरहेको स्रोतको भनाई रहेको छ । हिजोको अवस्थामा जो जहाँ बलियो देखिएको थियो त्यहा त्यसैले नेतृत्व लिने विषयमा नेताहर सहमत रहेका छन् ।

जअ अनुसार विद्यार्थी,पत्रकार संगठनमा एमाले बलियो थियो भने मजदुर संगठनमा माओवादीको हावी रहेको थियो । सोहि अनुसार यस्तै विद्यार्थी संगठनमा भने पूर्व एमालेलेको भागमा पर्ने निश्चित जस्तै भएको छ । सहमति अनुसार एमालेले अध्यक्ष लिएको स्थानमा सचिव र सहसंयोजक माओवादीले लिनेर माओवादीले अध्यक्ष लिएको स्थानमा एमालेले दोस्रो पोजिसन लिने सहमति भएको छ । यस्तै प्रदेशमा पनि ४ र ३ को भागबण्डा हुने भएको छ भने जिल्लाको हकमा पनि ४० र ६० कै भागबण्डाको तयारी भएको छ । ७७ जिल्लामध्ये एमालेले एमालेले ४५ र माओवादीले ३२ जिल्ला संयोजक लिने सहमति भएको छ ।

सोहि अनुसार गाउँ र नगरमा पनि भागबण्डाको तयारी भएको छ । कार्यदलले यसका आधारमा सहमति कायम गरिसकेको हुनाले अब नेतृत्व लिन नेताकोमा पूर्व एमाले र पूर्व माओवादीका नेता तथा कार्यकर्ताहरुको दौड सुरु भएको छ । आफ्नो पार्टीको भागमा पर्ने नेतृत्वका लागि आफु निकटका नेताहरुको घरदैलोमा जिल्ला, प्रदेश र गाउँ तहका नेताहरुको भीड लागिसकेको छ । दुई वर्ष भित्र महाधिवेशन गरेर एकता प्रक्रिया टुङग्याउने भएकलो त्तकाल नताहरुको आशीर्वाका आधामा नेतृत्व छनोट हुने भएकाले कार्यकर्ता त्यसका लागि दौडधुपमा लागेका हुन । यस्तै दौड नुवाकोट ,रसुवा र धादिङमा पनि सुरु भएको छ ।

स्रोतका अनुसार धादिङमा जिल्ला कमिटिको नेतृत्व एमालेले लिने सम्भावना रहेको छ भने नुवाकोट र रसुवामा भने कसले लिने भन्ने विषयमा छलफल भैरहेको नेताहरुले बताएका छन् ।

जिल्ला नेतृत्व आफ्नो पक्षमा पार्न र आफुले नेतृत्व लिन जिल्ला तहका शीर्ष नेताहरु लागि परेको नुवाकोटका एक एमालेका नेताले नुवाकोट पुकारलाई बताए । पछिल्लो समयको तथ्याङकलाई हेर्ने हो भने नुवाकोट र धादिङमा एमाले बलियो देखिएको थियो । रसुवामा भने बराबरीको अवस्था देखिन्थ्यो । नुवाकोट पुकारबाट साभार 

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया