राष्ट्रपतिद्वारा विज्ञ नियुक्त

काठमाडौ । राष्ट्रपति विद्यादेवी भण्डारीले दुई जना विज्ञ नियुक्त गर्नुभएको छ । नेपाली संस्कृति तथा राष्ट्रिय सुरक्षाका क्षेत्रमा सुझाव र सल्लाह दिने गरी राष्ट्रपतिले दुई विज्ञ नियुक्त गर्नुभएको राष्ट्रपति कार्यालयद्वारा जारी गरिएको विज्ञप्तिमा जनाइएको छ ।

राष्ट्रपतिले नेपाली कला तथा संस्कृति, भाषा, साहित्य, इतिहास, पुरातत्व र सांस्कृतिक सम्पदाका क्षेत्रमा सुझाव र सल्लाह दिने गरी विज्ञ पदमा कास्की जिल्ला पोखरा महानगरपालिका–७ निवासी माधव शर्मालाई नियुक्त गर्नुभएको छ ।

त्यस्तै राष्ट्रिय सुरक्षा, प्राकृतिक सम्पदा र वातावरणसम्बन्धी क्षेत्रमा सुझाव र सल्लाह दिने गरी विज्ञ पदमा रथीनेत्रबहादुर थापा (अ.प्रा) लाई नियुक्त गर्नुभएको राष्ट्रपतिको कार्यालयका प्रवक्ता छवीन्द्र पराजुलीले जारी गर्नुभएकोविज्ञप्तिमा जनाइएको छ