जेठ ५, २०८१ शनिबार May 18, 2024

कञ्चनपुरबासी आज पनि आन्दोलनमा

शेयर गर्नुहोस:
फन्ट परिवर्तन गर्नुहोस:

कञ्चानपुर । भीमदत्तनगरपालिका–२ खोल्टीकी १३ वर्षीया बालिका निर्मला पन्तको बलत्कारपछि भएको भएको विषयमा हत्यारालाई कारवाहीको माग गर्दै कञ्चनपुरवासीले आन्दोलनलाई जारी राखेका छन् ।

स्थानीय बासिन्दाको आन्दोलनका कारण कञ्चनपुरसदरमुकाम भीमदत्तनगर बजार बिहीबार पनि तनाबग्रस्त भएको छ । आज आन्दोलनरतपक्ष र प्रहरीबीच झडप हुँदा दुई प्रहरीसहित आठ जना घाइते भएका छन् ।

ट्राफिक चोकमाआन्दोलनकारी र प्रहरीबीच भएको झडपपछि प्रहरीले गोली चलाउँदाभीमदत्तनगरपालिका–१८ का १७ वर्षीय अर्जुन भण्डारीलाई गोली लागेको छ भने अन्य पाँचआन्दोलनकारीलाई गोलीको छर्रा लागेको जनाइएको छ ।

गोलीलागि घाइते हुनेमा तेज भट्ट,कृत पनेरु, मनोज बुढा, सरोज खड्का र सन्तोष कठरिया रहेका छन । बायाँ खुट्टामा गोली लागेका भण्डारीलाई थप उपचारका लागि धनगढी पठाइएको अस्पताल स्रोतले जनाएको छ ।

आन्दोलनकारीको ढुङ्गा लागेर प्रहरी हवल्दार हर्कबहादुर पाल र जवान महेश भट्ट घाइतेभएका छन् । घाइतेको महाकाली अञ्चल अस्पतालमा उपचार भइरहेको छ ।

गत आइतबार भीमदत्तनगरपालिका–१९ बागफाँटाका ४१ वर्षीय दिलीपसिंह विष्टलाई हत्याको अभियुक्त भन्दै प्रहरीले सार्वजनिक गरेपछि आन्दोलन झन् चर्किएको हो ।

मानसिक सन्तुलन गुमाएकाविष्टलाई अभियुक्तका रुपमा सार्वजनिक गरेको आरोप लगाउँदै स्थानीयवासी तीन दिनदेखि आन्दोलनमा छन् ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया