कार्तिक २९, २०८३ आइतबार
November 15, 2026
युग खबर
२०८० बैसाख २१, बिहिबार
काठमाडौंः गण्डकी प्रदेशका मुख्यमन्त्री सुरेन्द्र पाण्डेले विश्वासको मत प्राप्त गरेका छन्। बिहीबार बसेको प्रदेश सभाको बैठकमा विश्वासको मत मागेका उनले ३५ सांसदको मत पाएका हुन् ।
६० जना सदस्य रहेको गण्डकी प्रदेश सभामा बहुमत जुटाउन ३१ जना सांसदको समर्थन आवश्यक्ता थियो । मुख्यमन्त्री पाण्डेले नेपाली कांग्रेसका २७, माओवादी केन्द्रका ७ र नेकपा एकीकृत समाजवादीका १ जना गरी ३५ जना सांसदको मत पाए ।
मुख्यमन्त्री पाण्डेको विपक्षमा नेकपा एमालेका २२ सांसदले मत दिए भने राप्रपाका २ जना सांसद तटस्थ बसे । वैशाख १४ मा
कांग्रेस, माओवादी केन्द्र र नेकपा एकीकृत समाजवादीको समर्थनमा पाण्डे मुख्यमन्त्री बनेका थिए।
मुख्यमन्त्रीमा नियुक्त भएकै दिन उनले कांग्रेसबाट सरस्वती अर्याल तिवारी, माओवादी केन्द्रका सुशिला सिम्खडालाई मन्त्री नियुक्त गरिसकेका छन् । बिहीबार विश्वासको मत पाएसँगै मुख्यमन्त्री पाण्डेले मन्त्रिपरिषदलाई पूर्णता दिने तयारीमा जुटेका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया