सात दिनभित्र कर्मचारीले रमाना नलिए कारबाही गरिने (परिपत्रसहित)

काठमाडौँः सङ्घीय मामिला तथा सामान्य प्रशासन मन्त्रालयले काजमा खटाएका कर्मचारी र काज फिर्ता गरेका कर्मचारीले ७ दिनभित्र रमाना लिन निर्देशन जारी गरेको छ । मन्त्रालयले एक आज एक परिपत्र जारी गर्दै ७ दिनभित्र रमान नलिए कारबाही गर्ने चेतावनी दिएको छ ।

बुधवार मन्त्रालयले एक सूचना जारी गर्दै स्थानीय तहमा प्रमुख प्रशासकीय अधिकृतको रूपमा कामकाज गर्न सङ्घीय कर्मचारी काज फिर्ता गरिएका कार्यालयमा रमाना भई नगएमा कारबाही गर्ने चेतावनी दिएको हो ।

परिपत्रमा भनिएको छ, काजमा खटाइएका र काज फिर्ता गरिएका कर्मचारीहरूको रमाना लिने अवधि गुज्रिएपश्चात् साविकका कार्यालयबाट निजहरूको बिदा स्वीकृत नगर्ने रमाना नलिएमा विभागीय सजायको प्रक्रिया सुरु हुने ।’ यसका साथै रमाना भई नजाने कर्मचारीलाई उपलब्ध गराएको सेवा, सुविधा र पारिश्रमिक सम्बन्धित कार्यालय प्रमुख र आर्थिक प्रशासन प्रमुखबाट असुलउपर गर्ने पनि जनाएको छ ।

सङ्घीय मामिला तथा सामान्य प्रशासन मन्त्रालयले जारी गरेको परिपत्र :