मनाङ एयरको हेलिकप्टर सोलुखुम्बुको लामाजुरानजिक दुर्घटनाग्रस्त

काठमाण्डौंः सोलुखुम्बुको सुर्केबाट काठमाडौंका लागि उडेको  मनाङ एयरको हेलिकोप्टर सोलुखुम्बुको दूधकुण्ड नगरपालिका-२ लामाजुरा नजिकै दुर्घटना भएको छ ।

बिहान १०:०५मा सुर्केबाट उडेको मनाङ एयरको नाईन एन ए एम भि कलसाईनको हेलिकोप्टर लिखुपिके गाउँपालिका ५ भकान्जे स्थित लामाजुराको च्यानडाँडामा दुर्घटना ग्रस्त अवस्थामा भेटिएको गाउँपालिका अध्यक्ष मिना कार्की बस्नेतले जानकारी दिइन्।

घटना‍स्थलतर्फ प्रहरी परिचालन गरिएको छ । हेलिकप्टरमा क्याप्टेनसहित ६ जना सवारी थिए । उक्त हेलिकोप्टरमा सवार पाँचै जना यात्रु मेक्सिकोका नगरिक रहेको बताइएको छ । घटनाको थप विवरण आउन बाँकी ।