ललिता निवास प्रकरणः सचिव राउतको रिहाईको माग गर्दै बन्दी प्रत्यक्षीकरण रिट दायर

काठमाडौंः ललिता निवास जग्गा प्रकरणमा पक्राउ परेका सचिव कृष्णबहादुर राउतको रिहाईको माग गर्दै सर्वोच्चमा बन्दी प्रत्यक्षीकरणको रिट दायर भएको छ । राउतको तर्फबाट तिलकबहादुर खड्काले दायर गरेको रिटमा राउतलाई गैरकानुनी रुपमा थुनामा राखेकाले विना शर्त रिहाईको माग गरिएको छ ।

सञ्चार तथा सूचना प्रविधि मन्त्रालयका सचिव रहेका राउतलाई प्रहरीको केन्द्रीय अनुसन्धान व्युरो (सिआईबी) को टोलीले विमानस्थलबाट पक्राउ गरेको थियो । उक्त रिटको प्रारम्भिक सुनुवाईका लागि भोलि (बिहीबार) पेशी तोकिएको छ ।