मंग्सिर ३, २०८३ बिहिबार November 19, 2026

इन्धनको मूल्य वृद्धि रोक्न पुटिनको निर्देशन

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः रूसी राष्ट्रपति भ्लादिमिर पुटिनले निर्यात प्रतिबन्धका बावजुद पनि थोक पेट्रोलको मूल्य निरन्तर बढ्दै गएकाले इन्धनको मूल्य वृद्धिप्रति ‘तत्काल’ थप प्रतिक्रिया दिन सरकारसँग आग्रह गरेका छन् ।

रूसी सरकारले गत हप्ता घरेलु बजारलाई ‘स्थिर’ बनाउन पेट्रोल र डिजेल इन्धनको निर्यातमा अस्थायी रूपमा प्रतिबन्ध लगाउने घोषणा गरेको थियो । पुटिनले भने, “हामी प्रस्तावित उपायहरूले काम गर्ने तथ्यमा भरोसा गर्नेछौं र मूल्य घटाउनका लागि तेल कम्पनीहरूसँग अझ नजिकबाट काम गर्न सरकारलाई आह्वान गर्दछौं ।”

पुटिनले आफ्नो मन्त्रीपरिषद्का सदस्यहरूसँग भने, “हामीले उनीहरूलाई सावधानीपूर्वक व्यवहार गर्नुपर्छ, तर पनि म तपाईंहरूलाई भइरहेका घटनाहरूप्रति तत्काल प्रतिक्रिया जनाउन आग्रह गर्दछु ।”

गत साता उच्च स्तरमा पुगेकोे रूसी पेट्रोलको बजार मूल्य निर्यात प्रतिबन्धका बावजुद मङ्गलबार फेरि वृद्धि भएको छ ।

कमजोर रूबल, विश्वव्यापी तेलको मूल्यमा वृद्धि र तेल प्रशोधन कम्पनीहरूमा मर्मत कार्यले आपूर्तिमा आएको न्यूनता मूल्य वृद्धिको कारण भएको विश्लेषकहरूले औंल्याएका छन् ।

केही क्षेत्रका किसानले कृषि यन्त्रका लागि आवश्यक पर्ने इन्धनको अभावका कारण अन्न बाली काट्न नपाएको स्थानीय सञ्चारमाध्यमले जनाएका छन् ।

रूसको केन्द्रीय बैंकले सन् २०२३ को उत्तराद्र्धमा आर्थिक वृद्धि दर सुस्त हुने चेतावनी दिएपछि इन्धनको मूल्य वृद्धि भएको हो ।

रूसी अधिकारीहरूले लगातार उच्च मुद्रास्फीति र कमजोर रूबलको बावजुद युक्रेनमा मस्कोको सुस्त आक्रमणबाट परेको आर्थिक प्रभावलाई धेरै हदसम्म बेवास्ता गरेका छन् । एएफपी

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने
२०८३ मंग्सिर ३, बिहिबार
चालु आवको तीन महिनाः मुद्रास्फीति ६.३७ प्रतिशत
२०८३ मंग्सिर ३, बिहिबार
पूर्वमुख्यसचिव अर्यालविरुद्ध पक्राउ पुर्जी जारी
२०८३ मंग्सिर ३, बिहिबार
त्रिविको M.Ed. र MSSEd परीक्षाका लागि केन्द्र छनोट गर्न मंसिर ७ सम्मको समय
२०८३ मंग्सिर ३, बिहिबार
विद्येयकमा ‘वेश्यावृत्ति’ शब्द हटाउन सांसदहरूको माग, शोषणसम्बन्धी परिभाषा फराकिलो बनाउन सुझाव
२०८३ मंग्सिर ३, बिहिबार
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार
भारतीय राष्ट्रपतिसमक्ष नेपाली राजदूत पाण्डेले बुझाए ओहोदाको प्रमाणपत्र
२०८३ मंग्सिर ३, बिहिबार