श्रावण ७, २०८२ बुधबार
July 23, 2025
युग खबर
२०८० कार्तिक २, बिहिबार
काठमाडौँः प्रधानमन्त्री पुष्पकमल दाहाल प्रचण्डको मैत्रीपूर्ण निमन्त्रणामा संयुक्त राष्ट्रसङ्घका महासचिव एन्टोनिय गुटेरेसले कात्तिक १२ गतेदेखि नेपालको औपचारिक भ्रमण गर्दै हुनुहुन्छ ।
महासचिव गुटेरेस कात्तिक १२ गते दिउँसो काठमाडौँ आइपुग्नुहुने र भ्रमण सम्पन्न गरी कात्तिक १५ गते बिहान प्रस्थान गर्नुहुने कार्यक्रम रहेको छ ।
यसअघि महासचिव गुटेरेसको नेपाल भ्रमण तय भएकोमा इजरायली र प्यालेष्टिनी हमास समूहबिचको आक्रमणका कारण रद्द भएको थियो ।
नेपाल भ्रमणका क्रममा महासचिव गुटेरेसले नेपालको शान्ति प्रक्रिया, जलवायु परिवर्तन, नेपाली शान्ति सेना लगायतका विषयमा उच्चस्तरमा छलफल गर्नु हुनेछ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया