गायक शिशिर योगीको नयाँ गीत ‘तिमी बन्नु मेरो सहारा’ सार्वजनिक (भिडियो)

काठमाडौंः बरिष्ठ गायक शिशिर योगीको स्वरमा रहेको तिमी बन्नु मेरो साहरा बोलको गीत सार्वजनिक भएको छ।

‘यो देशमा म एउटा मानिस खोजी रैछु’ जस्ता चर्चित गीतका श्रष्टा शिशिर योगीको स्वरमा रहेको ‘तिमी बन्नु मेरो सहारा’ का शब्द संकलक हरिहर तिमिल्सिना रहेका छन्। गीतमा संगीत पनि योगीकै रहेको छ।

वरिष्ठ सेक्सोफोन बादक अमुल कार्कीढलीको संगीत संयोजन रहेको गीतमा गितार बादक संजीव बराइली छन्। लोकेश भाटले भिडियो मेकिङ गरेको गीतलाई वर्ल्ड कभर मिडिया प्रालिले प्रोडक्सन गरेको हो।

शिशिर योगी युट्युव च्यानलबाट गीत बजारमा ल्याइएको हो। नविन खालको प्रेमाभाव मिश्रित गीत भएकाले राम्रो चर्चा बटुल्ने विश्वास लिइएको योगीले लिएका छन्।