असार २४, २०८२ मंगलबार
July 8, 2025
न्युज डेस्क
२०७७ असार १८, बिहिबार
काठमाडौंः नेपालमा बिहिबार थप ४७३ जनामा कोरोना संक्रमण देखिएको छ। स्वास्थ्य तथा जनसङ्ख्या मन्त्रालयका अनुसार पछिल्लो चाैविस घण्टामा देशभर १०९ महिला र ३६४ जना पुरुष गरी ४७३ जनामा संक्रमण देखिएको हो ।
यसैगरी काठमाडौं उपत्यकामा थप ३२ जनामा कोरोना सङ्क्रमण पुष्टि भएको छ। स्वास्थ्य मन्त्रालयका अनुसार पछिल्लो चाैविस घण्टामा काठमाडौं उपत्यकामा थप ३२ जनामा कोरोना सङ्क्रमण पुष्टि भएको हो।
स्वास्थ्य तथा जनसङ्ख्या मन्त्रालयमा आयोजित नियमित पत्रकार सम्मेलनमा मन्त्रालयका प्रवक्ता प्राडा. जागेश्वर गौतमले काठमाडौंमा २८, भक्तपुरमा र ललितपुरमा २/२ गरी ३२ जनामा कोरोना सङ्क्रमण पुष्टि भएको बताएका हुन् ।
बिहिबार त्रिवि शिक्षण अस्पताल महाराजगञ्जमा गरिएको परीक्षणमा काठमाडौँका १७ महिला र ११ पुरुषमा कोरोना सङ्क्रमण देखिएको छ ।
त्यस्तै भक्तपुरका दुई पुरुष र ललितपुरका एक पुरुषमा कोरोना सङ्क्रमण पुष्टि भएको छ। शुक्रराज ट्रपिकल तथा सरुवा रोग अस्पताल टेकुमा गरिएको परीक्षणमा ललितपुरका एक जनामा कोरोना सङ्क्रमण पुष्टि भएको मन्त्रालयले जनाएको छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया