गीता भट्टराई र नवीन पौडेल को स्वरमा नयाँ गीत ‘घुम्न जाऔँ मायालु’ सार्वजनिक

काठमाडौं । नेपाली सांगीतिक क्षेत्रमा नयाँ मनोरञ्जनात्मक गीत ‘घुम्न जाऔँ मायालु’ सार्वजनिक भएको छ। गीतकार तथा गायिका गीता भट्टराई र चर्चित गायक नवीन पौडेल को स्वरमा रहेको उक्त गीतले दर्शक–श्रोतामाझ सकारात्मक प्रतिक्रिया पाउन थालेको छ।

उक्त गीतमा शब्द स्वयं गीता भट्टराईको रहेको छ भने संगीत सरोज विरही कार्की ले तयार पारेका हुन्। मनोरञ्जनात्मक शैलीमा निर्माण गरिएको गीतले प्रेम र घुमफिरको रमाइलो भाव प्रस्तुत गर्दछ।

गीतको भिडियोमा नेपालको प्रमुख पर्यटकीय गन्तव्यहरू साराङकोट, नगरकोट र सिन्धुली लाई आकर्षक ढंगले समेटिएको छ, जसले आन्तरिक पर्यटन प्रवर्द्धनमा पनि सन्देश दिने प्रयास गरेको छ।

भिडियो निर्देशन मिलन श्रेष्ठ ले गरेका छन् भने कलाकार जुना कार्की र सागर थापा को अभिनय देख्न सकिन्छ।

सार्वजनिक भएदेखि नै गीतले युट्युबमा राम्रो प्रतिक्रिया बटुलिरहेको छ र दर्शकहरूले यसको लोकेशन, संगीत तथा प्रस्तुतीकरणको प्रशंसा गरिरहेका छन्।