संसद् समन्वय बोर्ड बैठक : सुशासन र सेवा प्रवाह सुधारका लागि सकारात्मक

पाटन (ललितपुर), २२ वैशाखः नेपाली कांग्रेस संसद् समन्वय बोर्डको बैठकले सुशासन र सेवा सुधारका लागि सरकारले चालेका कदमप्रति सकारात्मक रहने निर्णय गरेको छ ।

पार्टी सभापति गगनकुमार थापाको सभापतित्वमा पार्टीको केन्द्रीय कार्यालयमा आज बसेको संसद् समन्वय बोर्डको बैठकले सुशासन र सेवा प्रवाह सुधारका लागि सरकारले गरेका निर्णयप्रति सकारात्मक रहने निर्णय गरेको पार्टीका कार्यवाहक मुख्यसचिव कृष्णप्रसाद दुलालले जानकारी दिनुभयो ।

कांग्रेसले सङ्घीय संसद्को आगामी अधिवेशन र वर्तमान राजनीतिक परिस्थितिमा पार्टीको भूमिका प्रभावकारी बनाउन सङ्घीय संसद्मा पार्टीको उपस्थितिलाई थप सशक्त, एकताबद्ध र प्रभावकारी बनाउन केन्द्रीय कार्यसमिति तथा कार्यसम्पादन समितिले गरेका नीतिगत निर्णयहरू एकमुष्ट रूपमा संसदीय दललाई उपलब्ध गराउने निर्णय गरेको कार्यवाहक मुख्यसचिव दुलालले बताउनुभयो । रासस