श्रावण २९, २०८३ शुक्रबार
August 14, 2026
युग खबर
२०८३ श्रावण २९, शुक्रबार
काठमाडौं । प्रधानमन्त्री वालेन्द्र शाह (बालेन) र प्रधानसेनापति अशोकराज सिग्देलबीच शुक्रबार सिंहदरबारमा भेटवार्ता भएको छ। प्रधानसेनापति सिग्देल प्रधानमन्त्रीलाई भेट्न प्रधानमन्त्री कार्यालय पुगेका थिए।
भेटवार्ताको विषयबारे प्रधानमन्त्री कार्यालय र नेपाली सेनाले औपचारिक जानकारी दिएका छैनन्। सेनाका प्रवक्ता सहायक रथी राजाराम बस्नेतले भेटलाई नियमित भेटवार्ताका रूपमा लिएको बताएका छन्।
यसअघि साउन १९ गते पनि प्रधानमन्त्री शाह र प्रधानसेनापति सिग्देलबीच भेटवार्ता भएको थियो। उक्त भेटका क्रममा गोकर्णस्थित नेपाल ट्रस्टको जग्गामा रास्वपाका सांसद राजु पाण्डेको नेतृत्वमा डोजर चलाइएको विषयमा छलफल भएको बताइएको थियो।
शुक्रबारको भेटमा पनि सोही विषय वा अन्य समसामयिक विषयमा छलफल भए/नभएको भने स्पष्ट भएको छैन।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया