युक्रेनमा रूसी आक्रमण, १२ जनाको मृत्यु २१ घाइते

युक्रेन, १६ भदौ (रासस/एएफपी): रूसले किएभ लगायत वरपरको क्षेत्रमा गरेको ड्रोन तथा ब्यालेस्टिक मिसाइल आक्रमणमा परी कम्तिमा १२ जनाको मृत्यु हुनुका साथै २१ जना घाइते भएको युक्रेनले मङ्गलबार बताएको छ ।

मस्कोले पछिल्लो समयममा किएभमा आफ्नो आक्रमणलाई तीव्र बनाएको छ, आक्रमणको साढे चार वर्ष भन्दा लामो समय पछि अमेरिकी मध्यस्थतामा वार्ता प्रक्रिया जारी छ भने क्रेमलिनले युद्ध अन्त्य गर्न आफ्नो अधिकतम मागहरू छोडेको छैन ।

हप्तौँको आक्रमणपछि किएभले सुरक्षा कडा पारेको छ र राजधानीमा मङ्गलबार करिब एक दर्जन चर्को विस्फोट हुनुका साथै आकाशमा पनि आक्रमणको प्रभाव देखिरहेको एएफपीले जनाएको छ ।

युक्रेनी राष्ट्रपति भोलोदिमिर जेलेन्स्कीले रूसी आतङ्क को निन्दा गर्दै मृतकहरूमध्ये एक भारतीय नागरिक रहेको बताउनुभएको छ । उहाँले यस समयमा युक्रेनको हवाई रक्षालाई थप शक्तीशाली बनाउनका आवाश्यक सहयोग बढाउन सहयोगीहरूलाई आह्वान गर्नुभएको छ ।

अधिकारीहरूका अनुसार पीडितहरू मध्ये आठ जना किएभमा मारिएका थिए भने तीमध्ये अधिकांश रेलका कामदारहरू थिए जसको ब्यालिस्टिक मिसाइल रेल डिपोमा ठोक्किएपछि मृत्यु भएको थियो ।

युक्रेनी रेलवेका प्रमुख कार्यकारी ओलेक्सान्डर पेर्टसोव्स्कीले कम्पनीका ६ जना कर्मचारीको रूसी आक्रमणमा मृत्यु भएको बताउनुभएको छ ।

आक्रमणले व्यापक विनाश निम्त्याएको जनाउँदै कार्यस्थलको पूर्ण विनाश भएको र केही स्थानहरूमा आगलागी भएको उहाँले बताउनुभएको छ ।

बोरिस्पिलको उपनगरमा एउटा आवासीय भवनमा क्षति पुगेको जनाउँदै युक्रेनी अधिकारीहरूले घोषणा गरेअनुसार किएभ क्षेत्रमा अन्य चार जनाको मृत्यु भएको छ ।

जेलेन्स्कीले बोरिस्पिलको भवनबाट ५० जनालाई बाहिर निकालिएको बताउनुभएको छ । युक्रनी हवाई रक्षा क्षमताहरू कमजोर भएकाले रूसले हिसांम्मक आक्रमण जारी राखी मानिसहरूको जीवन प्रभावित भनाई रहेको सामाजिक सञ्जाल मार्फत जनाउनु भएको छ ।

युरोपियन युनियनका रक्षा र विदेश मन्त्रीहरू मङ्गलबारदेखि आयरल्यान्डमा भेला हुने भएका छन् किएभ माथि क्रेमलिनले आफ्नो हवाई अभियानलाई बढाइरहेको छ ।

युक्रेनको सीमा सेवाले मस्कोले नेटो–सदस्य रोमानियासँगको सीमामा रहेको नाकामा सोहि प्रकारको ड्रोन आक्रमण गरेको थियो ।

रोमानियाले यस वर्ष दुई पटक आफ्नो हवाई क्षेत्रमा प्रवेश गर्ने रूसी ड्रोनलाई गोली हानेर खसालेको घोषणा गरेको छ ।

युक्रेनी अधिकारीहरूले मस्कोले जापोरिझियामा प्रहार गर्दा चार जना घाइते भएको र दक्षिणी ओडेसा क्षेत्रमा आक्रमण गरेको बताएका छन् ।

रूसको रक्षा मन्त्रालयले आफ्नो सेनाले लामो दूरीको हतियार र आक्रमण ड्रोन प्रयोग गरेर आक्रमण गरेको बताएको छ ।

आक्रमणले किएभ र वरपरका क्षेत्रमा सैन्य-औद्योगिक र इन्धन र ऊर्जा सुविधाहरूलाई लक्षित गरेको बताइएको छ ।

मन्त्रालयले ओडेसा क्षेत्र र ओडेसा र चोर्नोमोस्र्कका बन्दरगाहहरूमा पूर्वाधारमा प्रहार गरेको पनि बताएको छ ।

युक्रेनी वायु सेनाले किएभ र यस क्षेत्रमा ब्यालिस्टिक हतियार र आक्रमणका अन्य माध्यमहरूको खतरा जारी रहेको चेतावनी दिदै स्थानीय बासिन्दाहरूलाई सुरक्षित आश्रयमा रहन आग्रह गरेको थियो ।

युक्रेनी केटाकेटीहरू मङ्गलबार जाने बताउँदै किएभ क्षेत्रीय सैन्य प्रशासनले उच्च जोखिममा रहेका क्षेत्रहरूमा ठुला घटनाहरू हुन नहुने चेतावनी दिएको छ ।

किएभ र यसको वरपरका क्षेत्रहरू हालैका हप्ताहरूमा रूसी आक्रमणहरूबाट निरन्तर दबाबमा आएका छन् भने जेटबाट–सञ्चालित ड्रोनहरूले खतरा थपेको चेतावनी दिएको छ ।

एक सप्ताहन्तमा राजधानीको उपनगरमा एउटा गोलाबारुद भण्डारमा भएको आक्रमणमा ३८ जनाको मृत्यु भएको थियो ।

दुवै पक्षले पछिल्लो समयमा गोदामहरू, व्यवसायहरू र तेल र बन्दरगाह सुविधाहरूका साथै जहाजहरू जस्ता पूर्वाधारहरूलाई लक्षित गर्दै लामो दूरीका आक्रमणहरू बढाउँदा नागरिक हताहती बढेको जनाइएको छ ।

युक्रेनले अवरोधक मिसाइलहरूको अभावको सामना गरिरहदा विशेष गरी ब्यालिस्टिक खतराहरू विरुद्धको प्रयोगका लागि अमेरिकी निर्मित प्याट्रियट प्रणालीहरूको अभाव रहेको जनाइएको छ ।